JioPhone Next: India ke Most Affordable Smartphone ke Specs Leak Huye

Reliance Jio aur Google ki partnership to, Reliance ne is saal June mein hui AGM (Annual General Meeting) mein announce kar di thi. Saath hi ye dono milkar jis smartphone, JioPhone Next par kaam kar rahe hain, uski ek jhalak bhi isi AGM mein company ne dikha di hai. Ise India ke most affordable smartphone ka naam diya jaa raha hai, jiski first sale Ganesh Chaturthi ke dauraan 10th September ko hogi.

Lekin, sale se pehle hi is most awaited smartphone ke features aaj leak ho chuke hain. jaante hain hum ki aap bhi in features ko jaanne ke liye excited honge. To aaiye dekhiye iske features aur bataaiye ki kya aapko ye smartphone pasand aaya.

JioPhone Next 4G smartphone ke specs leak huye

JioPhone Next Specifications (Leaked)

JioPhone Next ke specifications, XDA Developers ke Mishaal Rahman ne apne Twitter account se post karke share kiye hain. Is leak ke according, phone mein Qualcomm ka entry-level Snapdragon 215 processor aayega. Rumors hain ki iske saath 2GB ki RAM aur 32GB ki internal memory hogi.

Isi leak mein mention kiya gaya hai ki JioPhone Next HD+ display ke saath aayega aur saamne ki taraf upar ke bezel mein aapko 8MP ka front camera milega. Iske bezels aaj ke trend ke according, kaafi thick hain. Rear panel par bhi single camera aayega jo 13MP resolution ke saath diya gaya hai.

JioPhone Next ki first sale 10th September ko hai

Iske alawa ismein aapko Google Duo bhi pree-installed milta hai aur Google Camera Go ka latest version bhi yahaan hai. Phone mein software side par Android 11 Go Edition diya gaya hai. 4G Dual SIM slots aur other Google apps bhi ismein aapko milengi.

Halaanki iska price jaanne ke liye hum sabhi excited hain, lekin usko lekar filhaal koi jaankaari nahin hai. Iske liye hum sabhi ko launch ka intezaar karna hoga. Waise specs ke according, aapko kya lagta hai, iska price kya hona chahiye. Aap comment mein apni raay de sakte hain.

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: