JioPhone Diwali 2019 Offer Mein Jio Feature Phone Par Mil Raha Hai 50% Se bhi Jyada Discount

India mein Digital revolution laane ka credit Reliance Jio ko diya jaaye to yeh baat kehna galat nahi hogi. Reliance Jio ko introduce karne ke saath hi company ne Indian market mein apne kadam jama liye the. Iske baad company ne Jio feature phone ko bhi introduce kiya tha, jiske saath Mr. Mukhesh Ambani ne kaha tha ki “Jio yeh ensure karega ki koi bhi Indian citizen affordable internet se deprive (vanchit) na reh jaaye.” Aaj iss baat mein koi shaq nahi hai ki har second Indian citizen Jio service ko use kar raha hai.

2017 mein Reliance ne Jio Feature phone Rs 1500 ki price tag ke saath launch kiya tha. Iske baad iss phone par exchange offer bhi shuru kiya gaya tha, jiske baad iss phone ki effective price Rs 501 reh gayi thi. JIOPHONE DIWALI 2019 GIFT OFFER ke form mein company iss phone ko sirf Rs 699 mein sale kar rahi hai. Ismein users ko koi bhi old phone exchange karne ki jarurat nahi hai. Itna hi nahi, Jio users Rs 1500 ke gift offers bhi iss phone ke saath diye jaayenge. Lekin yeh offer limited time period ke liye rakha gaya hai. Yeh offer DUSSEHRA se le kar DIWALI tak valid rahega. Iske alawa wah user jo Diwali 2019 offer ke through Jio se judte hain unhe company Rs 700 ka data benefit bhi iss phone ke sath provide kar rahi hai. Ismein initially 7 recharge par user ko Rs 99 worth ka additional data diya jaayega.

Agar aap phone ke features ki baat karte hain to iss phone mein KaiOS diya gaya hai. Phone ki display 2.4 inch ki milti hai. Phone mein 1.2 Ghz Dual Core processor aur 512MB RAM di gayi hai. Saath 4GB ki internal storage aapko iss phone mein milti hai, iski storage ko aap microSD card ki help se 128GB tak expand bhi kar sakte hain. Phone ki battery 2000mAh ki di gayi hai. Phone mein Wi-Fi ka support aapko milta hai, iske alawa phone mein aap YouTube, WhatsApp, Facebook jaise apps bhi use kar sakte hain. Jio Feature phone Jio Cinema, Jio Music, Jio TV aur Jio Xpress News jaisi  pre-install apps ke sath aata hai. Phone mein aapko Google Assistant ka support bhi milta hai. 

Jio feature phone ke saath company sabhi 2G network user ko 4G network par shift karna chahti hai. JIOPHONE DIWALI 2019 GIFT OFFER ke saath Jio feature phone ki price kisi bhi normal feature phone se bhi kam reh jaati hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: