Reliance Jio Tariff Plans Vs Airtel Tariff Plans: Kaun Deta Hai Behtar Offers

Kuch hi din pehle Reliance Jio ne Double Dhamaka offer announce kiye aur uske theek baad Airtel ne bhi apne tariff plans update kiye. Isi tarah ka competition in companies ke beech pehle bhi ho chuka hai aur isi wajah se postpaid ho ya prepaid plans pichle kuch samay inki kimatein behad tezi se neeche aayin hain. Aur kimatein girne ke baad aapko kam price mein kaafi achhi services milti hain. Fir bhi dekhna ye hai ki is samay kaun si company competitive price par aapko achhe offers de rahi hai.

98 / 99 INR

Sabse pehle aata hai Reliance Jio ka 98 INR ka plan jismein company 2GB 4G data 28 days ki validity ke saath offer kar rahi hai. Iske alawa unlimited local, STD aur roaming calls aur 300 SMS bhi mil rahe hain.

Jabki doosri taraf, Airtel ka 99 INR ka plan bhi 28 days ke liye hi valid hai jismein aapko 2GB 4G data per day, free calls aur 2800 text messages milte hain.

149 INR tariff plan

Is amount ka recharge karne par Reliance Jio ki taraf se aapko ab tak 1.5GB 4G data per day milta tha, lekin is mahine ye recharge karaane par aapko 3GB 4G data per day mil raha hai wo bhi 28 days ki validity ke saath, iske alawa baaki sabhi services, jaise ki free calls aur 100 free messages bhi is pack mein available hain.

Airtel ke 149 INR ke tariff plan mein aapko 1GB data per day hi milta hai, jabki Jio ke is plan mein aapko extra 2GB diya gaya hai. Is plan mein bhi aapko unlimited calls milti hain, lekin Airtel ki calls 250 minutes per day tak hi limited hai aur 1,000 minutes per week tak. Is plan mein bhi aapko kewal 100 messages hi milte hain.

399 INR tariff plan

Reliance Jio ke is plan mein bhi in dinon aapko 84 days ke liye 252GB high speed 4G data milta hai. Lekin is samay par ye plan aapko kewal 299 INR mein mil raha hai. Jio ke plans mein aapko unlimited calls milte hain.

Airtel ke 399 INR ke plan mein aapko 84 days ke liye 1.4GB 4G data per day milta hai. Lekin Airtel mein aapko unlimited nahin, balki 250 minutes per day calls milte hain.

448 INR tariff plan

448 INR ke plan mein Reliance Jio aapko 3.5GB per day data offer karta hai, halaanki ye offer kewal 30th June tak hi valid hai aur uske baad aapko is plan mein 2GB data per day milega. Saath hi ismein 100 messages aur unlimited calls bhi shaamil hain.

Jabki Airtel ke is plan mein bhi aapko 2GB data per day mil raha hai. Saath hi ismein bhi 250 minutes per day calls aur 100 messages bhi milte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: