Jio Phone 3 Bhi August Mein Launch Ho Sakta Hai, GigaFiber Broadband Service Ke Saath

Reliance Jio ne cheapest price mein unlimited free calls, messages, aur 4G data ki jo services logon ko di hain, usse telecom industry mein kaafi changes aaye hain. Ab mobile data services ke baad, logon ko Jio ki broadband service, GigaFiber ke launch ka bhi besabri se intezaar hai aur finally August 2019 mein hi company Gigafiber ko India mein launch bhi karne jaa rahi hai. Lekin iske alawa kuch aur bhi launch hone waala hai.

Reliance Jio ki AGM (Annual General Meeting) 2019, August 12 ke liye scheduled hai aur company isi meeting mein GigaFiber ko launch karne jaa rahi hai. Lekin isse bhi badi khabar ye saamne aa rahi hai ki is broadband service ke saath, company Jio Phone 3 ko bhi launch kar sakti hai.

Saamne aayi ek nayi report ke according, August 12 ko hi company Jio Phone 3 ko bhi launch kar sakti hai. Ek known publication ke according, company is waqt ek feature phone par kaam kar rahi hai aur ye Jio Phone 3 hi ho sakta hai.

Haalanki Jio ki taraf se aisi koi official news abhi tak nahin aayi hai. Well, company ke first Jio Phone ko 2017 AGM mein hi annonce kiya tha, uske baad Jio Phone 2, jo ki first Jio Phone ke mukaable kaafi improved features ke saath aaya, August 2018 mein launch hua. Isiliye 2019 mein Jio Phone 3 ko expect kiya jaa raha hai, lekin jyada details abhi saamne nahin aa payi hain.

 

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: