Jio Phone 2, QWERTY KeyPad Ke Saath 2,999 INR Ki Kimat Par, Reliance ki AGM 2018 Mein Launch Hua

Aaj ki is AGM 2018 mein Mukesh Ambani ne Jio Phone 2 bhi launch kiya hai aur ye bhi 15th of August se hi available hoga jiski kimat 2,999 INR hai. Iski sabse khaas baat hai ki is feature phone mein aapko Qwerty keypad milne waala hai, jiske baad iska use aapke liye easy hoga.

Saath hi Reliance Jio ne Jio Monsoon Hungama ki bhi announcement ki hai jismein aap apne puraane feature phone ko kewal 501 INR mein Jio Phone ke saath exchange kar sakte hain aur ye offer July 21 se hi start hoga. Mukesh Ambani dwara Jio Phone mein Youtube, Facebook aur WhatsApp apps ki bhi announcement ki gayi hai jo ki same date se hi aapke Jio Phones mein aapko di jayengi.

Pichle saal launch huye Jio Phone ka effective price Rs. 0 tha jisko kaafi achha response mila aur is samay India mein 25 million se jyada log Jio Phone use kar rahe hain. Is success ke baad company ke Jio Phone 2 aaj launch kiya hai aur isi ke saath shortest time frame mein 100 million Jio Phone users ka target rakha hai. Dekhne mein is smartphone ka design pehle aane waale Blackberry phones jaisa hai.

Jio Phone mein 2.4-inch ki QVGA display hai, saath hi 512MB ki RAM aur 4GB ki internal storage hai jise aap microSD card slot ki help se another 128GB tak extend kar sakte hain. Isi ke saath 2 MP ka rear camera aur 0.3 MP ka front camera moujood hai. Jio Phone ki hi  tarah, Jio Phone 2 mein bhi KAI OS diya gaya hai aur is smartphone mein 2000mAh ki battery hai aur dual nano SIM slots diye gaye hain. Saath hi four way navigation key aur voice command ke liye ek separate button bhi diya gaya hai.

Almost sabhi specs hamaare saamne hain, lekin iske processor ki koi detail abhi nahin aayi hai, jiske liye shayad iski sale date tak intezaar karna pade.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: