Jio Ne Redmi Note 7 & Note 7 Pro Buyers Ke Liye Announce Kiye Double Data Offers

Reliance Jio ne aaj Redmi Note 7 Pro aur Redmi Note 7 ke buyers ke liye kuch naye offers ki announcement ki hai. Haal hi mein Airtel ne bhi Redmi Note 7 phones par kuch offers announce kiye, jiske jawaab mein Reliance Jio ne Redmi Note series Jio customers ko double data offer dene ka promise kiya hai.

Haal hi mein  Airtel ne bhi ek double data plan announce kiye tha, jismein Rs. 249 mein aapko 4GB per day 4G data milta hai, jiski validity 28 days ki hogi. Ye double data offer 280 ke liye available hoga. Yaani ki next 10 times jab bhi aap Rs.249 ka recharge lenge aapko 4GB per day data milega. 10 times 249 ka recharge lene ke baad is offer ki value Rs. 2490 hoti hai.

Jabki Reliance Jio ne jo offer aaj Redmi Note 7 Pro aur Note 7 ke liye announce kiya hai, usmein yahi service aapko kam price mein milegi. Jio ka Rs. 398 ka recharge bhi aapko 4GB per day data offer karta hai, lekin iski validity 70 days ki hai, jabki Airtel ke plan ki validity 28 days ki hai. Jio ka Double Data offer bhi 280 days ke liye hi valid hai. Yaani ki Rs. 398 ka recharge aapko 4 times karwaana hoga, jiski total price hai Rs. 1592.

Double Data offer mein Reliance Jio aapko Airtel ke plan ke mukaable Rs.898 ka discount de raha hai, yaani ki Airtel ke mukaable aap yahaan same offer par, same validity ke saath 900 INR ki saving kar sakte hain.

Iske alawa Redmi Note 7 series par Jio ki taraf se aapko Rs. 2400 ke cashback vouchers bhi milte hain. Saath hi ye Double Data offer sirf 398 INR ke plan par nahin, balki Rs. 198 se upar ke sabhi plans par available hoga.

Is offer ka benefit aap long duration plans par bhi utha sakte hain, jinki validity four years tak ki hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: