Jio Ko Takkar Dene Ke Liye Airtel ne 1GB Per Day Data Ke Saath Launch Kiya Yearly Plan

Kuch samay pehle aaye Reliance Jio ke yearly plan se compete karne ke liye aaj Airtel ne bhi apna yearly plan launch kiya hai. Is long-term plan mein customers ko unlimited free calling ke saath saath 1GB per day data aur messages ka offer milne wala hai. Iski validity poora ek saal yaani ki 365 din ki hai.

Company ke is naye 365 validity ke saath launch huye plan ki cost 1,699 INR hai aur ye last year launch huye Reliance Jio ke yearly plan ko seedhi takkar dega, jiski kimat bhi 1,699 INR hi hai.

ALSO READ: Reliance Industries – Rs. 10,000 Crore Ka Quarterly Profit Paane Waali First Private Company

Saath hi is yearly plan mein 1GB per day 4G data, unlimited calls and SMSes ke saath, aapko Airtel TV app par available premium content ka subscription bhi free mein diya jaa raha hai.

Iske alawa ye tariff plan open market mein bhi available hoga aur expect kiya jaa raha hai ki Airtel ki website par bhi jaldi hi ye offer dekha jaa sakega.

Airtel users ke liye ye ek achha offer hai, lekin agar Jio se competition ki baat karein to, same price mein Jio bhi aapko unlimited calls and messages, free data offer karta hai. Lekin yahaan par Jio aapko 1.5GB per day data deta hai, jabki Airtel ka offer 1GB per day tak seemit hai. Saath hi Jio ke users ko bhi Jio TV, Jio Cinems, Jio News, My Jio jaisi kayi apps ka subscription free milta hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: