Jio Ki Takkar Mein , BSNL Ka Naya Dhamaka, 1,999 INR Ke Plan Mein Milega 730GB 4G Data aur Free Calls, Fir Bhi Jio Hi Kyun Hai Aage ?

Govt. telecom company, BSNL ne kal hi ek naya long term plan announce kiya hai jo seedhe Jio ke data plans se compete karta nazar aa raha hai, lekin ye waakyi mein kitna best plan hai ya nahin, ye to iski details jaanne ke au rise Jio se compare karne ke baad hi pata chalega.

Bharat Sanchar Nigam Limited (BSNL) ne kal 1,999 INR ka plan launch kiya jiski validity 1 year ki hai aur is samay ye kewal Chennai aur Tamilnadu mein bhi available hai. Is plan mein aapko 1 saal tak daily 2GB data, unlimited local / STD calls aur 100 messages per day milenge. Ye ek promotional offer plan hai jo 25th June se September 22 tak hi available hai aur saath hi filhaal metro cities mein ye plan uplabdh nahin hai.

Darasal, BSNL ne is plan ko Reliance Jio ke 1,999 INR tariff plan ke competition mein launch kiya hai jiski validity kewal 180 days ki hai, yaani ki BSNL ke plan ke mukaable theek half aur ismein aapko kewal 125GB high-speed 4G data milta hai, free unlimited calls aur Jio ki other sabhi services bhi 6 months ke liye aap use kar sakte hain.

Halaanki BSNL aapko Jio ke plan ke mukaable kaafi achhe offers de raha hai, lekin ise kewal Chennai aur
Tamilnadu mein hi use kiya jaa sakta hai, kyunki is samay BSNL ka 4G network kewal wahin available hai, baaki regions mein BSNL 3G data provide karta hai, jabki Reliance Jio aapko valur for money plans mein poore India mein kahin bhi high speed 4G data offer karta hai.

Iske alawa BSNL aapko kewal 730GB data, free calls aur 36,500 messages deta hai, lekin Jio aapko 4G data, free calls aur 100 messages per day ke alawa My Jio, Jio news, Jio Cinema, Jio music jaisi entertaining apps ka free subscription bhi provide karta hai. Iske alawa Jio ki ye sabhi services pan India mein available hain. Jabki BSNL ke is plan ko pan India mein aane mein abhi kaafi samay lag sakta hai.

Saath hi is samay Jio ke sabhi plans mein aapko extra 1.5GB per day mil raha hai, jo ki kewal 30th June tak hi valid hai, yaani ki 1.5GB per day ki jagah 3GB per day aur saath hi iska popular 399 INR ka plan bhi is samay 299 INR ka hai.

Well, Jio ke in sabhi added offers ke kaaran 1,999 INR ke plan mein Jio se kaafi jyada data dene par bhi BSNL ise takkar nahin de sakta. All over India mein sabse pehle affordable prices mein high-speed data Reliance Jio hi provide kar raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: