Jio 5G phone is week AGM mein ho sakta hai launch: Ye hain ab tak ke details

Bahut jaldi India ke logon ke liye ek budget 5G phone launch hone waala hai. Is smartphone par Reliance aur Google milkar kaam kar rahe hain. Is smartphone ki announcement to kaafi pehle hi kar di gayi thi, lekin iske launch ka intezaar sabhi ko besabri se hai. Company ke according ye Jio 5G phone Reliance ki is saal yaani ki 2021 AGM meeting ke dauraan launch kiya jayega aur AGM 24th June 2021 ko hai.

Is event ki live streaming bhi hogi jise aap Reliance Jio ke Youtube channel par bhi dekh sakte hain.

Is AGM 2021 meeting ki sabse badi announcement yahi Jio 5G phone hoga. Bataaya jaa raha hai ki is event mein company iske baare mein kaafi kuch reveal kar sakti hai, lekin iske official launch mein kuch waqt lag sakta hai. Lekin kuch details is smartphone ki saamne aayin hain jinhein aap yahaan jaan sakte hain.

Jio ke is affordable phone mein company Qualcomm ka cheapest 5G chipset Snapdragon 480 chipset de sakti hai. Saath hi reports kehti hain ki Google iske liye software bhi develop kar raha hai aur ye Android Go edition ke saath aa sakta hai ya company iske liye ek naya custom designed OS laa sakti hai.

Is smartphone ki kimat 5,000 INR ya usse neeche expect ki jaa rahi hai aur agar ye is price par aata hai to ye India mein cheapest 5G smartphone hoga. Well iske baaki specs ka andaaza abhi humein nahin hai, lekin June 24 ko iske kuch details aur price company reveal kar sakti hai. Is phone ki official launch date bhi June 24 ko announce ho sakti hai.

Google CEO Sundar Pichai ne bhi isko lekar statement jaari ki hai, ” Jio 5G phone par Google aur telecom operator Reliance Jio milkar kaam kar rahe hain aur ye affordable 5G phone hoga jise jaldi launch kiya jayega.”

Facebook Comments

Recommended For You

About the Author: Pooja

Leave a Reply

Your email address will not be published.

hi हिन्दी
X
%d bloggers like this: