Japanese Retail Store, Miniso, Apne Quirky (Vichitr) Products Ke Saath India Mein Tezi Se Kar Raha Hai Expand

Title padhkar aap soch rahe honge ki ye kaun sa retail store hai. Darasal, Miniso, ek Japanese retailer store hai, jisne lagbhag ek saal pehle India mein apne anokhe aur atrangi products ke saath entry li thi. Lekin ab ek saal ke baad, aisa lag raha hai ki Indians ko Miniso ke quirky products kaafi pasand aa rahe hain.

Miniso ka first store August 2017 mein open hua aur uske baad company ne Delhi NCR mein hi 30 se jyada stores open kiye aur India mein is samay inke more than 70 stores hain. Isi year mein company ne Rs. 700 crore tak ka revenue target complete kiya hai. Is revenue ke sath Miniso India ki top three mein se ek fastest-growing market ban chuki hai.

Isi revenue generation aur success se inspire, company next year yaani ki 2019 mein, India mein apne 800 retail stores aur open karne ki planning kar rahi hai.

Aaiye ab aapko bataate hain ki Miniso ke anokhe retail store mein aapko kaun-kaun se products milte hain.

Stationary items

Agar aap kabhi apne nearest Miniso store gaye hain, to aapko bhi wahaan ke stationary items kaafi pasand aaye honge. Darasal yahaan ke stationary items kaafi cute hain aur bachhon ko khaaskar kaafi pasand aate hain. Yahaan se aap Pencil colors, retractable crayons, drawing books, kaafi cute notepads, diaries aur bhi tarah tarah ke unique products kharid sakte hain. Kuch unique things mein aap recycled paper ki bani diaries, kaafi cute colors aur prints ke saath paper tape, etc. kharid sakte hain.

Yahaan par amazing thing ye bhi hai, ki bachhon ke saath, adults ke liye bhi drawing books hain, jo kuch aisi hain.

image credit : Sana K Channel
image credit : Sana K channel

Tech products

Miniso mein milne waale tech / electronics product ka bhi jawaab nahin, inmein humein jo sabse anokhe lage wo hain, hand fan, jo ki ek power bank bhi hai. Amazing teddy face ke saath USB cables, multiple color options mein powerbanks, baby pink aur sky blue colors ke keyboards, screen protector, unique mobile covers, etc.

Images aap neeche dekh sakte hain.

Iske alawa aapko yahaan Miniso ke Bluetooth speakers aur headphones bhi milenge, jinhein aap try kar sakte hain.

Beauty products

Yahaan par aapko bahut se beauty products bhi milte hain, jinmein Japanese face masks, beauty towels, lipsticks, nail paints, foundation, liner, perfumes, etc. milta hai.

Household items

In products ke baad, Miniso mein kaafi saare household items hain. Yahaan se aap glass containers, Apron, hand towels, bath towels, cute kitty aur bear footmats, blankets, tablewares aur cooking pans bhi kharid sakte hain.

Lekin household items mein jo cheez humein sabse jyada unique lagi, wo hai amazing quality ke coffee mugs, glass bottles jo aapko silicon cover ke saath milengi, wooden / plastic / steel spatulas hain. Saath hi yahaan par aapko kitchen ya apne room ke liye hanging storage space bhi milta hai, jise zaroorat naa padne par aap fold karke kahin bhi rakh sakte hain.

Fashion accessories

Fashion accessories mein yahaan aapko comfortable aur unique color options ke saath sleepers, sunglasses, eye masks, eye shades, aur bhi kaafi kuch mil jaata hai.

Saath hi is category mein bhi jewellery boxes, bathing sets, manicure kits kaafi cuteness se overloaded hain.

Iske alawa yahaan par aapko wallets, handbags, tote bags, kids school bags bhi yahaan par decent price mein available hain.

Award winning products

Iske alawa Miniso mein aapko kuch award winning products bhi milenge, jinmein hum sabse pehle Collapsible Neck Pillow ka naam lenge, jo ki travelers ko travel ke duaraan nech aur shoulders mein kaafi aram deta hai, lekin jab aap ise pack karte hain, to ye shrink hokar aadha reh jata hai aur aapko storage ka issue nahin hota.

Doosra product hai, CirXquare, ye ek 2-in-1 portable mini hand fan hai, jo aapke smartphone ko charge bhi kar sakta hai, yaani ki ismein power bank inbuilt hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: