January-End Mein Launch World’s First Smartphone With Five Rear Cameras: Price And Complete Features Leak Huye

HMD Global ka upcoming flagship smartphone jaldi hi launch hone wala hai, jiska naam Nokia 9 PureView hai. Is smartphone ki khaasiyat hai ki, ye world ka first smartphone hai, jismein five rear cameras hain. Kuch hi din pehle, is smartphone ki photos leak hui thi aur aaj is handset ki specs aur pricing details bhi leak ho chuki hai, jiske baare mein hum is article mein aapko bataayenge.

Nokia 9 PureView ek flagship model hai, jismein aapko 18:9 aspect ratio ke saath Quad HD+ display milne ki sambhaavna hai. Saath hi ismein Octa Core Qualcomm Snapdragon 845 chipset ke saath Adreno 630 GPU milega. Company ke is naye premium handset mein aapko 6GB aur 8GB RAM models milne ki ummid hai.

Iske alawa ye smartphone 4150mAh ki battery ke saath aa sakta hai, jo ki fast charging ke saath, wireless charging support ke saath bhi aayegi. Ye bhi ek Android One smartphone hi hoga, jismein aapko Android 9.0 Pie OS milega.

ALSO READ: January 2019 Mein Launch Hone Jaa Rahe Hain Ye 5 Smartphones

Ab aate hain iske launch par, to Nokia 9 PureView ka launch pehle March mein bataaya jaa raha tha, lekin aaj aayi nayi reports ke according, ye handset MWC 2019 se pehle hi, late January mein launch kiya jayega. Iske alawa iski jo images leak hui hain, unmein aapko rear panel par koi fingerprint sensor nahin nazar aa raha hai, jo ye indicate karta hai ki ismein in-display fingerprint sensor bhi diya jayega.

Nokia 9 Pureview ki jo price leak hui hai, uske according iske two storage version, 749 Euros (yaani ki 59,500 INR) aur 799 Euros (takreeban 63,500 INR) ke price tags ke saath launch honge.

Well, iske alawa abhi HMD Global ki taraf se koi confirmation nahin hai. Expect kiya jaa raha hai ki iska global launch event, company jaldi hi announce kar sakti hai.

ALSO READ: European Market Mein Launch Hua Nokia 8.1

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: