January 8 Ko Launch Hoga Honor Ka Ye Upcoming Budget Smartphone, Specs Aur Price Reveal Huye

India mein Honor apne smartphone View 20 ke launch ki announcement kar hi chuka hai, jo ki mid-range smartphone hai. Wahin Honor budget segment mein bhi ek naya handset laane ki taiyaari mein hai, jo ki 8th January yaani ki coming Tuesday ko launch hone wala hai. Ye smartphone last year launch huye Honor 7A ka successor hoga, lekin iska naam Honor 8A nahin, balki Honor Play 8A hoga.

Achhi baat ye hai ki ye budget smartphone, waterdrop notch ke saath launch hone jaa raha hai, jismein aapko 6.09 inch ki HD+ display milne waali hai. Iske alawa ismein MediaTek ka naya chipset Helio P30 hoga jismein Cortex A53 based eight cores, 2.3 GHz ki clock speed ke saath aayenge. Ismein two storage options honge, jinmein 3GB+32GB aur 3GB+64GB options included hain.

ALSO READ: First Phone With Punch Hole Selfie Camera In India, Honor View 20 Ke India Launch Ki Date Reveal Huyi

Honor Play 8A ko company sabse pehle China mein launch karne waali hai aur ismein aapko 13 MP ka single rear camera aur 8 MP ka front camera milne wala hai. Ismein 3020mAh ki battery hogi, lekin shayad yahaan apko fast charging nahin milega.

Ye budget phone Android 9.0 Pie OS ke saath launch kiya jayega, jis par EMUI 9.0 skin bhi hogi. Saath hi Honor Play 8A mein Type-C port hoga. Ye smartphone official website par price aur specs ke saath list kiya jaa chuka hai.

Honor is device ko China mein 8 January ko launch kar sakta hai aur expect kiya jaa raha hai ki wahaan par iski shipping bhi same day se hi start hogi. Same day se hi, CES 2019 ki bhi shuruaat hone jaa rahi hai, jo ki Tech World ka sabse bada event hai.

Honor Play 8A ki kimat 8,000 INR se 9,000 INR ke beech bataayi jaa rahi hai.

ALSO READ: Huawei Y9 2019 Affordable Segment Mein 7th Jan Ko Hoga India Mein Launch

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: