January 2019 Mein Launch Hone Jaa Rahe Hain Ye 5 Smartphones: Kisi Mein Penta Cameras, To Kisi Mein Hogi Infinity-V Display

Aaj is month aur is year dono ka aakhiri din hai aur har month end ki tarah, is baar phir hum aapke saamne ‘upcoming smartphones in next month’ ki list lekar haazir hain. 2018 mein kaafi behtareen phones dekhne ko mile, lekin isi ke saath 2019 ke smartphones se logon ki expectations kaafi hadd tak badh chuki hain.

Well, yahaan par kitna khaas aapko milta hai, ye jaanne ke liye abhi bahut waqt baaki hai. Lekin kal se shuru ho rahe 2019 ke first month yaani ki Janury 2019 mein kaun se smartphones launch hone jaa rahe hain, abhi wo jaan lete hain.

Honor View 20

India mein sabse pehle 48 MP rear camera agar koi lekar aa raha hai, to wo Honor ka yahi phone hai. China mein haal hi mein Honor V20 launch kiya gaya hai, jiske next day hi company ne Honor View 20 ko Amazon par tease kiya hai aur wahaan Notify Me ka button bhi hai. Honor View 20 ka global launch event Paris mein January 22, 2019 ko hai aur ummid hai ki iske next day ya same week mein hi ye phone India mein launch hoga.

China mein Honor V20 ki kimat 2,999 yuan se start hai, to expect yahi kiya jaa raha hai ki Honor View 20 ki starting price bhi labhag 30,000 INR hogi. Is smartphone mein aapko 6.4 inch ki full HD+ display, Octa Core Kirin 980 chipset, punch hole 25 MP selfie camera aur 4000mAh ki battery milti hai.

Realme A1

Realme A1 ke rumors ko lekar last week se market bhara pada hai. Saath hi ye bhi kaha jaa raha hai ki Realme ke haal hi mein aaye handset Realme U1 ke mukaable cheaper hoga. Is handset mein bhi copany MediaTek Helio P70 chipset de sakti hai aur ye bhi aapko dual rear cameras aur waterdrop notch ke saath milega. Iske alawa is smartphone ki koi aur news abhi saamne nahin aayi hai.

Maana jaa raha hai ki Realme A1 ko company 10K ki price range mein launch kar sakti hai.

Poco F2

Haal hi mein Poco F2 ka Geekbench se aaya leak aur Pco F1 ka price drop, is baat ki taraf saaf ishara kar rahe hain ki POCOPHONE ki taraf se ab jaldi hi Poco F1 ka successor aane wala hai. Lekin yahaan par bhi aapko Poco F2 mein Snapdragon 845 chipset hi milega, jabki fans ko ismein Snapdragon 855 CPU aane ki ummid rahi hai.

Iske alawa ismein bhi company nadi battery, full HD+ display jaise features hi degi. Well, ye January 2019 mein launch hoga ya nahin ye confirm nahin hai, lekin rumors jis tarah se aa rahe hain, iska launch bhi jaldi hi expect kiya jaa raha hai.

Also Read: Why Xiaomi is India’s No. 1 Smartphone Brand?

Samsung Galaxy M10 and M20

Image Credit: 91 mobiles

Kaafi samay se rumors mein bane huye Samsung ki nayi M series ke phones – M10 aur M20 ka launch bhi January 2019 mein hi hai. Samsung ki M series mein sabse pehle ek saath three smartphones launch kiye jayenge aur inka launch India mein hoga. M series mein sabse pehle Galaxy M10, M20 aur M30 ki entry hogi aur ye sabhi Infinity-V display ke saath aayenge.

Ye Samsung ke sabse pehle smartphones honge, jinmein aapko notch nazar aayegi. Iske alawa expected features mein 3GB / 4GB RAM, dual 16 MP rear cameras, aur Android 8.1 Oreo OS shaamil hain.

Nokia 9 PureView

Nokia 9 PureView ke renders bhi last week saamne aaye jinmein is smartphone ke penta cameras ki baat leak hui. Iske alawa ye bhi kaha gaya ki ye handset January 2019 last week mein launch kiya jaa sakta hai. Nokia 9 bhi ek Android One smartphone hi hai, lekin HMD Global ki taraf se in-display fingerprint sensor ke saath aane wala ye first hoga.

Iske alawa Nokia 9 ki leak hui images mein aap dekh sakte hain ki front camera ke liye koi notch nahin di gayi hai. Flat display ke saath aane wala is smartphone mein front aur rear dono taraf aapko glass panels milte hain. Iske alawa kuch reports ke according Nokia 9 mein aapko Snapdragon 845 chipset milne wala hai, lekin wahin ye bhi maana jaa raha hai ki full-fledged, powerful aur flagsip handset deliver karne ke liye company Snapdragon 855 chipset ka bhi istemaal kar sakti hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: