January 10 Ko Launch Hone Waale Redmi Pro 2 Ke Photos And Features Leak

Xiaomi already 10 January ke liye ek launch event announce kar chuka hai. Is event mein Redmi ka naya smartphone launch hone wala hai. Official teasers se humein pata chal hi chuka hai ki ismein 48 MP ka rear camera hoga. Lekin ye device dikhne mein kaisa hoga, ye abhi koi bhi nahin jaan saka hai. Lekin TENAA certification ke dauraan upcoming smartphone Redmi Pro 2 ke designs hamaare saamne aa chuke hain, jinhein aap neeche dekh sakte hain.

Haal hi mein Xiaomi ke President ke ye announcement ki hai ki Redmi ab ek separate brand hai aur independent brand hone ke baad, ye smartphone iska first smartphone hoga. TENAA listing ke through Redmi Pro 2 mein 6.3 inch ki display hogi aur ismein dual rear cameras, LED flash light ke saath aayenge, jinhein aap image mein left top corner par dekh sakte hain aur saath hi center mein fingerprint sensor bhi hai.

Iske alawa Redmi Pro 2, Octa Core Qualcomm Snapdragon 675 chipset par chalega aur ismein Android 9.0 Pie OS ke saath MIUI 10 hoga. Saath hi ismein aapko 48 MP ka primary aur 5 MP ka secondary rear camera milne wala hai aur battery capacity yahaan par 3900mAh hogi.

Iske alawa detailed specs ke liye launch tak ka intezaar karna hi padega. Halaanki jaise ki hum dekhte aaye hain, Redmi ke jyadatar smartphones mein multiple storage options humein milte hain, to expect kiya jaa raha hai ki company Redmi Pro 2 mein bhi atleast three storage options launch kar sakti hai.

Well, price ko lekar abhi koi information nahin hai, lekin aap guess kar sakte hain ki iska price kya hoga, aur comments ke zariye humse share bhi kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: