Flipkart Ki Big Shopping Days Sale Mein In Sabhi Smartphones Par Milenge Heavy Discounts

Agar aapne abhi tak iss saal ki kisi bhi online sale ka fayda nahi uthaya hai, to yahan Flipkart aapke liye ek aur chance le kar aaya hai. Jaha jaldi hi Flipkart par shuru hone jaa rahi Flipkart Big Shopping Days Sale. Yahan par sbahi products par achhe offers milne waale hain, lekin hum yahaan discuss karenge, smartphones par milne waale discount ke baare mein. Is sale mein mein smartphones, electronics, home appliances, fashion apparels, sabhi par sale hain, lekin is sale mein smartphones top par hain, jahan smartphone offers aur discount ke saath saath kuch extra benefits bhi diye jaa rahe hain.

 

Flipkart Big Shopping Days Sale 6th December se shuru hone jaa rahi hai aur 8th December tak yeh sale chalegi. Jahan aapko Nokia, Xiaomi, RealMe, Honor jaise branded smartphones par bhadiya discount dekhne ko milenga. Iske alawa no cost EMI ka option bhi aapko yahan milega jo ki Bajaj Finserv card holder ke liye hoga. HDFC Bank credit ya debit card holder ko instant 10% discount diya jaaega. Iske alawa sale ke dauraan sirf Rs 99 de kar aap apne phone ke liye damage protection plan bhi le sakte hain. Saath hi aapko buy back aur exchange offers bhi diye jaaenge.

Flipkart ne sale se pehle hi kuch smartphone offers ko reveal kar diya hai. Jahan Honor 9N Rs 15,999 (4GB/64GB) aur Rs 13,999 (3GB/32GB) ki price range par launch kiya gaya tha, sale ke dauraan Rs 10,999 (4GB/64GB) aur Rs 8,999 (3Gb/32GB) ki price par available hoga.

Wahin RealMe ke phones ki baat ki jaaye to RealMe C1 aapko Rs 7,499 price par, aur RealMe 2 Rs 9,499 ki price par milega.

Iske alawa Xiaomi ke flagship phone Poco f1 par bhi bhadiya discount diya jaa raha hai jahan 6GB/64GB model price Rs 19,999 par, 6GB/128GB model ki price Rs 21,999 par aur 8GB/256GB model ki Rs 25,999 par sale mein available hoga.

Haal hi mein launch huye Redmi Note 6 Pro ki kimat bhi iss sale mein Rs 13,999 kar di gayi hai, yaani ki 2,000 INR ka discount. Wahin Nokia ka Android One Powered phone Nokia 5.1 Plus 3GB/32GB phone aapko Rs 9,999 ki price ke saath sale mein available hoga.

Iske alawa flagship phones ki baat ki jaaye to Google ka Pixel 2XL(64GB) sale ke dauraan Rs 39,999 mein available hoga. Saath hi iss sale mein kuch keypad phones ko bhi include kiya gaya hai, jinki starting price Rs 429 se shuru hogi.

Inn sabhi smartphones offers ke alawa electronics par 80% tak off dekhne ko milega. Saath hi TV & home appliances par 70% tak discount milega. Fashion apparel section mein branded clothing par 40-80% tak discount iss sale mein aapko diya jaaega.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: