Jaldi Hi Relience Jio Launch Karega E-Commerce Services, Amazon Aur Flipkart se hoga Mukaabla

India mein digital revolution laane wale company Reliance Jio ke owner Mr. Mukesh Ambani ne haal mein Gujarat mein chal rahe Vibrant Gujarat Summit ke dauraan apni e-commerce company jaldi hi market mein utaarane ka announcement kiya hai. Yeh e-commerce company India mein pehle se top par chal rahi e-commerce company Amazon aur Flipkart (Walmart) ke takkar mein launch ki jaaegi. Jahan yeh e-commerce platform kayi aur bhi tarah ke services provide karega.

Mr. Mukesh Ambani ne bataya ki wah apne iss e-commerce platform  ko pehle sirf Gujarat ke andar hi expand karenge. Jahan ismein fashion se le kar electronics, food, financial services ke saath ad services bhi di jaaegi. Yeh platform na sirf services provide karega balki iske dwara kaafi logon ko naye employment ke resources bhi milenge. Unhone bataya ki Reliance Jio aur Reliance Retail mil kar aane wale agle 10 saalon mein lagbhag 3,00,000 crore ka investment Gujarat mein karenge.

 

Mr. Mukesh Ambani ne kaha ki yeh e-commerce platform Gujarat ke 12 Lakh retail merchants aur store owners ko jodne ka kaam bhi karega. Jis se aane wale samay mein job opportunity bhi bhadegi. Aane wale 10 saal mein company energy, petro- chemical, digital technology mein invest karegi. Isi ke saath company aane wale samay apni 5G network services dene ke liye bhi taiyar hai, jiska fayda bhi retail stores aur unke owners ko milega.

 

Ummid ki jaa sakti hai ki jaise Reliance Jio ne telecomm industry mein apni services se ek alag hi example set kiya hai waise hi wah e-commerce platform par bhi apni service se baaki companies ko maat de paaegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: