Jaldi Hi Launch Kiya Jaa Sakta Hai Whatsapp Dark Mode Features, Saamne Aayi Concept Image

Most popular messaging platform Whatsapp jaldi hi apne ek naye app features ko reveal karne wala hai. Iss feature ko le kar ek picture saamne aayi hai, jise naam diya gaya hai Whatsapp Dark Mode. Iss feature ka customer ko kaafi samay se intejaar hai. Ummid ki jaa rahi hai ki jaldi hi yeh Whatsapp Dark Mode feature customers ke liye launch kar diya jaaega.

 

Kuch social Media platform jaise Youtube, Google Maps, Twitter ke liye Dark Mode service pehle se hi available hai. Wahin customers ko Whatsapp aur Instagram ke Dark Mode feature ka besabari se intejaar hai. Whatsaap ke liye Android, Windows aur iOS ke feature par nazar rakhne wali service WABetaInfo ne yeh image twitter par share ki hai jis se iske Dark Mode ka andaza lagaya jaa raha hai.

Jaisa ki naam se judge kiya jaa sakta hai ki, Dark Mode mein aapko black background milega. Iss feature ke dauraan white background black mein convert ho jaaega, jiske kaafi faayde hain. Sabse pehle to yeh user ki eyes ko dhayan mein rakhte huye design kiya jaata hai, jis se users ki eyes ko jyada brightness aur heavy colors ka pressure na jhelna pade. Saath hi aapke smartphone ki battery ko bhi save karta hai. Bataya jaa raha hai ki yeh aapke smartphone ki battery life ko 43% tak save karega.

 

Dark Mode ko le kar updates hain ki iss mein user ko manually Dark Mode mein switch karne ka option diya jaaega. Wahin aap ismein ek fix time bhi set kar sakte hain jis se ki yeh fix kiye time par automatically Dark Mode mein convert ho jaaega. Haalanki abhi tak iss feature ki official announcement nahi ki gayi hai. Initially iss feature ko Android 9 Pie ke liye reveal kiya jaa sakta hai. Expect kiya jaa raha hai ki issi ke saath Whatsapp fingerprint app lock ka feature bhi de sakta hai.

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: