Jaldi Hi India Mein Launch Honge Redmi Note 7, Redmi Note 7 Pro And Redmi Go: Ye Hain Expected Price And Specs

Redmi ko independent brand announce karne ke baad, Redmi Note 7 pehla smartphone hai, jo haal hi mein China mein announce kiya gaya hai. Saath hi company ne ye bhi announce kar diya hai ki Spring mein company Sony sensor aur powerful specs ke saath Redmi Note 7 Pro launch karne jaa rahi hai. Lekin aaj ki khabar aapko in sabse achhi lagegi aur wo ye hai ki jaldi hi ye smartphones India mein bhi entry karne waale hain.

Saamne aayi ek nayi report ke according Redmi Note 7, Note 7 Pro aur Redmi Go ko March mein India mein launch kiya jaa sakta hai.

Redmi Note 7 jo ki waterdrop notch ke saath, full HD+ display, Octa Core Qualcomm Snapdragon 660 chipset, 48+5 MP dual rear cameras aur 13 MP front camera ke saath launch kiya gaya hai. Is smartphone ke three versions hain, jinki kimat 10,000 INR to 15,000 INR ke beech hai.

ALSO READ: February Mein Launch Hoga Redmi Note 7 Pro, Expected Price And Specs Revealed

Iske alawa Redmi Note 7 Pro, jise Snapdragon 675 chipset ke saath aane waala first smartphone bataaya jaa raha hai aur ismein 48+5 MP ka camera hoga, lekin wo Sony IMX576 sensor ke saath diye jayega. Redmi Note 7 Pro bhi kuch weeks mein hi China mein launch hone waala hai aur uske baad ye India mein launch kiya jayega.

Redmi Note 7 Pro aur Redmi Note 7 mein kewal processor aur camera ka hi antar hai, iske alawa sabhi specs same rahenge. Redmi Note 7 Pro ki kimaton ko lekar andaaza lagaaya jaa raha hai ki ye 14,600 INR se 15,700 INR ke beech hongi.

Saath hi Xiaomi / Redmi ke first Android Go Edition smartphone ke baare mein bhi hum kaafi samay se sun rahe hain aur iska naam Redmi Go hoga. Redmi Go mein 5.99 inch ki HD+ display, quad core processor, 8 MP rear camera, 5 MP front camera aur 2800mAh ki battery hogi. Is smartphone ki price bhi 4,999 INR expect ki jaa rahi hai.

ALSO READ: Redmi Note 7, 48 MP Camera Aur Waterdrop Notch Ke Saath Launch Hua

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: