Jaldi Hi India Mein Aane Waale Hain Google Pixel 3 aur Pixel 3 XL; India Launch Date Confirm Hui

Google ki Pixel 3 series, October 9, yaani ki kal launch hone waali hai aur uske baad in smartphones ke India launch ki taiyaari bhi company ne kar li hai. Pixel 3 aur Pixel 3 XL, India mein 22nd October ko launch hone waale hain. In dono smartphones ke alawa company Pixel Slate, Google Home Hub aur ek naya Chromecast bhi announce kar sakti hai.

Halaanki in handsets ke launch ki khabar to aayi hai, lekin other products, jinke naam humne upar mention kiye hain, wo India mein enter honge ya nahin, ye bhi confirm nahin hai. Last year Pixel 2 series ko India mein launch karne ke liye Google ne Flipkart ke saath tie-up kiya tha, to ummid hai ki ye upcoming Google handsets bhi isi e-commerce site par available hon.

Specifications ki baat karein to, Pixel 3 series mein 5.5 inch ki full HD+ display hogi, jabki Pixel 3 XL mein 6.3 inch ki Quad HD+ display expect ki jaa rahi hai.

Dono smartphones mein Octa Core Snapdragon 845 chipset hoga, 4GB ki RAM hogi, Android 9.0 Pie software diya jayega. Iske alawa Pixel 3 aur 3 XL mein 12.2 MP ka single rear camera moujood hoga, jo AI features ke saath aayega. Wahin dono smartphones mein aapko dual front cameras milenge.

Pixel 3 mein top and bottom thick bezels ke saath wahi normal display milti hai, jabki Pixel 3 XL mein bezel-less design ke saath notch display hai.

Iske alawa other details ke liye aapko sirf kal tak ka intezaar karna hoga.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: