Jaaniye 2018 iPhones – XS, XS Max Aur XR Mein, iPhone X Ke Mukaable Kya Hai Naya

Year ke sabse important aur costly smartphones, iPhone XS, XS Max aur iPhone XR launch ho chuke hain. India mein inhein September 2018 mein launch kiya jayega. Lekin inse judi kuch aur khaas baatein bhi hain, jo aap nahin jaante. Aaiye dekhte hain ki 2018 iPhones mein, kya hai naya aur kaun se offers ke saath aap inhein India mein kharid sakte hain.

Last year launch hua iPhone X, smartphone industry ka behad important handset raha, kyunki isi ne notch display ka trend set kiya, jo ab aapko budget smartphones mein bhi milta hai. Iske alawa is handset ka design kaafi samay se launch hote aa rahe, iPhones se different aur attractive tha. Is saal launch huye, teenon iPhones ka design bhi bilkul iPhone X jaisa hi hai.

Halaanki inmein jo differences dekhne ko milte hain, wo minor hi hain. iPhone X ke mukaable XS aur XS Max mein tougher glass milta hai, jo iPhone XS aur XS Max ki durability ko badhata hai. Lekin design wahi hai – glass sandwich. Iske alawa iPhone X bhi water resistant tha, lekin 2018 iPhones mein thodi si higher IP68 ratings hain, yaani ki ye 2 meter paani ki depth mein half an hour tak bina kisi damage ke survive kar sakta hai.

Saath hi iPhone XS aur XS Max mein aapko A12 Bionic processor milta hai, jabki last year iPhone X mein A11 Bionic chipset thi. 2018 iPhones ka processor, A11 Bionic processor ke mukaable 15% faster aur 40% power efficient hai. Saath hi Apple ke according, is baar ke iPhones mein applications bhi 30% fast load hoti hain.

Saath hi ismein iOS 12 bhi hai, halaanki last year launched iPhone X mein bhi aap ise aasaani se update kar sakte hain.

Iske alawa 2018 iPhones mein pehli baar Apple ne dual SIM support diya hai, jismein primary nano SIM slot ke saath secondary eSIM support bhi hai.

Well, iske alawa koi major difference in smartphones mein nahin milta hai.

Ab baat karte hain, India mein inke launch ki.

India mein iPhone XS, XS Max aur iPhone XR ko September 28 ko launch kiya jayega. Halaanki company ne jis smartphone ko budget smartphone kaha hai, usmein kuch bhi “budget” jaisa nahin hai, kyunki uska price bhi 76,900 INR se start hai.

Sabhi 2018 iPhones mein, India mein, Airtel aur Jio dono hi eSIM ko support karenge. Is dual SIM support mein aapk ek normal nano SIM use kar sakte hain aur eSIM support mein ek digital SIM hogi jismein aap wahi normal cellular plan activate karne kar sakte hain, lekin iske liye physical SIM ki zaroorat nahin hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: