Iss Saal Ke End Tak Samsung India Mein Launch Kar Sakti Hai, Galaxy M90

Iss saal ki shuruaat se hi Samsung ne A-Series aur M-Series mein apne affordable aur quality smartphones ko launch karna shuru kar diya tha. M series mein haal hi mein company ne Galaxy M40 ko launch kiya tha. Yeh phone punch hole selfie camera, triple rear camera, Snapdragon 675 chipset ke saath aata hai. Haal hi mein saamne aayi leaks mein bataya jaa raha hai ki company iss saal Diwali ke aas-pass issi series ek aur phone Samsung Galaxy M90 ko bhi launch kar sakti hai. Yeh phone sabse pehle India mein hi launch kiya jaa sakta hai.

Iss baat ki jaankari leakster Ishan Agarwal ne share ki hai, jo ki exclusively mysmartprice ke liye share ki gayi hai. Unhone bataya ki Galaxy M90 ko October-November mein India mein launch kiya jaa sakta hai. Iss phone ka model number SM-M905F aur code name R6 bataya gaya hai. Baat karein agar iss phone ke price ki to expect kiya jaa raha hai ki iss phone ki keemat Rs 30,000 ke lagbhag rakhi jaa sakti hai.

Yeh phone Snapdragon 730 processor powered ho sakta hai, same processor humein flip camera module wale smartphone Samsung Galaxy A80 mein dekhne ko mila tha. Inn sabhi details ke alawa expect kiya jaa raha hai ki yeh phone, trend mein chal rahe punch hole selfie camera aur in-display fingerprint scanner ke saath launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: