Iss Month Yeh Sabhi Smartphones Launch Hone Wale India Mein

Last month Indian market mein kaafi smartphones ne entry ki hai. Kuch smartphones budget range mein launch kiye gaye aur kuch premium category mein launch huye. Iss month bhi kuch aur smartphones India mein entry lene ke liye ready hain jinki list aap neeche dekh sakte hain. Inmein se kuch phones bahar ki countries mein already launch ho chuke hain. Agar aap phone purchase karne ka soch rahe hain, to thoda wait aur kijiye. Sayad aapko yahaan ek acha smartphone option dekhne ko mil jaaye.

 

1. Samsung Galaxy M40

Samsung M series ka yeh smartphone 6th June ko India mein announce hone wala hai, jiski teaser image Amazon.in ki website par already show ki jaa chuki hai. Iss phone mein humein triple rear camera dekhne ko milega. Iske alawa ismein punch hole selfie camera, infinity O display ke saath milega. Company ne kuch hints ke saath yeh bhi bataya hai ki iss phone mein 6 series Snapdragon processor diya jaayega. Expect kiya jaa raha hai ki phone Snapdragon 675 chipset ke saath launch kiya jaa sakta hai. Saath hi iski price Rs 20,000 ke lagbhag rakhi jaa sakti hai.

 

2. Asus Zenfone 6

Last month company ne iss phone ko launch kiya hai. Iss month 16th June ko iss phone ki launching India mein hogi. Asus Zenfone 6 apne dual flip camera mechanism ko le kar highlight mein bana hua hai. Phone ke rear panel par 48MP+13MP ka dual camera diya gaya jo flip ho kar front facing camera ka kaam bhi karta hai. Iske alawa iss phone mein Snapdragon 855 processor ka use kiya gaya hai. Asus Zenfone 6 mein 6.4 inch ki IPS LCD FHD+ display di gayi hai. Expect kiya jaa raha hai ki company iss phone ko India mein Rs 30,000 ki price ke lagbhag announce kar sakti hai.

 

3. Nokia 9 Pureview

Yeh phone India mein 6th June ko launch hone wala hai. Nokia 9 Pureview penta cameras ke saath aane wala pehla smartphone hai. Sabhi 5 cameras 12MP lens ke saath aate hain. Iske alawa iss phone mein Snapdragon 845 chipset ka use kiya gaya hai. Iss phone mein 5.99 inch ki QHD+pOLED display di gayi hai. Front mein aapko 20MP ka camera milta hai. Iske alawa iss phone mein aapko next generation pro camera app bhi milta hai.

 

 4. Honor 20 Pro

Company iss phone ko India mein 11th June ko announce karne jaa rahi hai. Iss phone mein aapko rear panel par quad cameras milte hain saath hi front mein punch hole selfie camera milta hai. Quad camera setup 48MP+16MP+8MP+2MP ka diya gaya hai aur selfie camera 32MP ka milta hai. Yeh phone Kirin 980 processor ke saath launch kiya gaya hai. Iss phone mein 6.26 inch ki full HD+ all view display aapko milti hai. India mein iss phone ki price Rs 46,000 ke lagbhag rakhi jaa sakti hai.

 

5. Nubia Red Magic 3

 

Gaming ke liye design kiya gaya yeh phone 12th June ko India mein reveal hone jaa raha hai. Phone mein Snapdragon 855 processor diya gaya hai. Phone mein rear single camera 48MP ka diya gaya hai aur front facing camera 16MP ka milta hai. Yeh phone in-built 4D vibration motor ke saath aata hai jo gaming ke samay aapke gaming experience ko enhance kar deta hai. Phone mein heating se bachne ke lilye liquid cooling technology ka use kiya gaya hai.

 

 

 

 

 

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: