Upcoming Smartphones In March 2019 – Budget To Flagship Phones

India smartphones ke liye ek broad market banata jaa raha hai jiske chalte companies apne most of smartphones ko India mein jitni jaldi ho sake utni jaldi launch karna chahti hain. Haal hi mein jahaan MWC 2019 mein leading brands ne apne phones showcase kiye hain, uske baad se hi India mein kayi handsets announce kiye gaye hain aur kaafi kuch upcoming month mein bhi humein dekhne ko milne waale hain.

Redmi ke Note 7 & Note 7 Pro, Samsung Galaxy M-series aur A-series ke baad, aaj yahaan aapko unn sabhi phones ki list dekhne ko milegi jo iss month yaani ki means March 2019 mein India mein me aane wale hain. Aaiye aapko dikhaate hain upcoming smartphones in March 2019 ki list.

Realme 3

 

Budget phones provide karne wali company Realme iss month India mein Realme 2 ke successor Realme 3 ko launch karne wali hai. Iss phone ko India mein 4th March 2019 ko launch kiya jaaega. Launch date ki announcement company ne apne official twitter handle par ki hai. Yeh phone dew drop notch, MediaTek Helio P70 chipset aur dual rear cameras ke saath market mein aayega aur Flipkart exclusive hoga. Kuch din pehle saamne aayi ek video aur haal hi mein aayi ek teaser se ye bhi expect kiya jaa raha hai ki Realme 3 ke saath company Realme 3 Pro ko bhi launch kar sakti hai.

Oppo F11 Pro

Promo image ke saath company ne bataya ki yeh phone India mein 5th March 2019 ko launch kiya jaaega. Iss phone ki highlight hai ismein diya gaya pop-up selfie camera aur 48MP ka primary rear camera. Iske alawa Oppo ne bataaya ki yeh phone VOOC 3.0 super fast charging ke saath aayega aur low light mein bhi behtar portrait pictures click kar sakta hai. Yeh phone AI ultra clear engine aur AI color engine features se less hoga jo ki image stabilization aur low light photography ke liye use kiye jaate hain.

Samsung Galaxy S10

 

Samsung ki flagship series Galaxy S10 ke India price bhi aa chuke hain aur specs se bhi aap log waakif hai, lekin Galaxy S10, S10+ aur S10e ka India official launch iss month India mein hoga. 6th March 2019 ko company apne Galaxy S10 series ke teenon phones Galaxy S10, S10+ aur S10e ko Indian market mein utaaregi. Phone ki highlight hai ismein di gayi infinity -O AMOLED dynamic display, In-display cameras, aur ultrasonic in-display fingerprint scanner. Phone ke top variant mein aapko 4100mAh ki battery milegi. Offline retail stores ke alawa yeh phones Flipkart, Amazon aur Tata CliQ par pre-order ke liye already available hain.

Meizu 16S

Kaafi long break ke baad  kuch samay pehle hi Meizu ne India mein come back kiya hai. Comeback ke baad company apne dusre phone Meizu 16s ko issi month launch kar sakti hai. Yeh phone company ke flagship series se aata hain jahan aapko iss phone mein Snapdragon 855 processor dekhne ko milega. Saath ismein AMOLED display di gayi hai jo ki in-display finger print scanner ke saath aati hai.

Vivo V15

 

Last month Vivo ne apne mid-range smartphone Vivo V15 Pro ko India mein launch kiya tha. Same time par expect kiya jaa raha tha ki Vivo V15 bhi V15 Pro ke saath hi launch hoga. But company ne iss phone ko abhi tak launch nahi kiya hai. Rumours ke according Vivo is phone ko next month mein launch kar sakti hai. Phone ki highlight mein iska pop-up selfie camera hai jo ki 32MP ka hoga, lekin ye V15 Pro ka cheaper version hoga. Iske alawa abhi iski aur koi detail available nahin hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: