Isiliye Lagta Hai Vivo V11 Pro Ka In-Display Fingerprint Sensor Itna Fast

Hi guys ! Aaj hum aapko bataane waale hain Vivo V11 Pro ke fast in-display fingerprint sensor ka raaz. Vivo hi wo company hai, jisne in-display fingerprint sensor ke saath aane wala world ka first smartphone launch kiya tha – Vivo X21.

Iske baad Vivo NEX aur haal hi launch hua Vivo X23 jaise smartphones aaye. Inke baad kuch hi din pehle India mein launch hua, Vivo V11 Pro, jo ki V series ka in-display fingerprint sensor ke saath aane wala first smartphone hai aur iski kimat bhi kewal 25,990 INR hai.

 

Jaisa ki hum jaante hi hain, ki capacitive fingerprint reader ke mukaable, under-display aane waale fingerprint sensors thode slow hote hain. Vivo ke first smartphone ka bhi in-display fingerprint scanner thoda slow tha, jise Vivo NEX mein aur improve kiya gaya. Uske baad Vivo V11 Pro mein ise aur bhi behtar banaane ki koshish ki gayi hai.

Aur waakyi mein Vivo V11 Pro ka under-display fingerprint reader fast hai, lekin iski wajah company dwara ki gayi improvement hi nahin hai, balki aur bhi kuch hai.

Darasal, is smartphone mein company ne IR face unlock bhi diya hai jo aapke 1024 facial features ko scan karke, phone ko instantly unlock karta hai. Aur Vivo V11 Pro mein company ne is face unlock ko fingerprint scanner ke saath combine kar diya hai. Ab jab bhi aap apne smartphone ko apne saamne rakhakr us par finger tap karte hain, utne mein hi ye smartphone aapke facial features ko scan karke phone ko instantly unlock kar deta hai.

Halaanki company ne V11 Pro mein jo fingerprint scanner, display ke under diya hai, use previous smartphones ke mukaable kaafi improve kiya gaya hai, lekin usse bhi fast hai is smartphone ka face unlock.

Aap jab bhi smartphone ko saamne rakhte hain to fingerprint tap hone tak, aapke face se phone unlock ho jaata hai aur yahi kaaran hai ki logon ko lagta hai ki is smartphone ka fingerprint scanner fast hai.

Iske alawa bhi Vivo V11 Pro, ek kaafi achha smartphone hai. Aap keh sakte hain ki is samay India mein 25,000 INR ki range mein best smartphones mein se ek hai. Ismein aapko colorful, detailed aur vibrant 6.41 inch ki full HD+ Super AMOLED display hai. Ismein Snapdragon 660 processor ke saath, 6GB ki RAM hai. 12+ 5 MP ke dual rear cameras aur 25 MP ka front camera diya gaya hai. Aur waakyi mein iske cameras kaafi achhi pictures click karte hain aur fast auto focus bhi hai.

V11 Pro, 3400mAh ki battery ke saath bhi lightweight aur slim hai aur fast charging support ke saath iski battery life bhi achhi hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: