Is Tarah Ke Rotatable Camera Ke Saath Aayega Samsung Galaxy A90: Is Video Mein Aap Dekh Sakte Hain Design

Samsung, April 10th ko naye Galaxy A-series smartphones launch karne waali hai, jismein Galaxy A90 ko expect kiya jaa raha hai aur sabse jyada intezaar bhi isi smartphone ka hai. Aaj ek Youtuber ne ek video share kiya hai, jismein Galaxy A90 ka design aur uske rotatable cameras ko kaafi achhe se dikhaaya gaya hai.

Kal hi saamne aayi leaks ke according, ye smartphone SDM7150 chipset aur 6.7 inch ki full HD+ AMOLED display ke saath aane waala hai. Ye smartphone is line-up mein launch hone waala, sabse expensive smartphone ho sakta hai.

Saamne aayi video, Youtuber Waqar Khan ke through post ki gayi hai, jismein Galaxy A90 ka complete design nazar aa raha hai. Is video mein ye smartphone ek slider mechanism ke saath nazar aa raha hai, jismein rotatable cameras hain. Well, ise aap ek concept video keh sakte hain, lekin actual mein Galaxy A90 mein humein yahi design milta hai ya nahin, ye abhi confirm nahin hai.

Halaanki itna confirm hai ki ismein pop-up camera hoga, ab wo kaisa hoga, iske liye April 10 tak ka wait karna hai. Other features ki baat karein to ismein 3700mAh ki battery, 25W fast charging support ke saath, triple rear cameras aur in-display fingerprint scanner shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: