Is Summer Har Look Main Chaayega Denim

Kai logon ko lagta hai ki fashion ke according kapde purchase karne se paison ki barbadi hoti hai, Agar aapko bhi aisa lagta hai or aap kuch aise kapdon ke selection ke bare main soch rahe hai to is baar denim try kijiye. Denim is baar har look ke liye perfect rehne vala hai. Denimis summer aapko har tareeke se ek trendy, stylish or perfect look dene vala hai.

March ka month aate hi garmiyon ne dastak de di hai. Sardiyon ke saare kapde hmare wadrobe se hat gaye hai, or summer ke liye firse kapdon ki maramaari shuru ho gayi hai. Khaaskar ladkion ke liye to summer yani ki fashion ka naya trend naye kapde, naye jutte etc. Kai baar to yeh cheezien achi lagti hai lekin office, ghar ko sambhalne ke time yeh sab pareshan karne lagta hai. Kai logon ko lagta hai ki fashion ke anusaar kapde lena paison ki barbaadi hai. Agar aapko bhi aisa lagta hai or aap kuch naye summer ke kapde lene ke baare mai soch rahe hai to is baar denim try kijiye.

Denim na sirf summer main pehna jaata hai, balki har season ke liye perfect hai. Ab denim na sirf jeans ya pant tak reh gaya hai balki shirt, kurti, skirt or saaree main bhi kaafi trending ho gaya hai. To chaliye main aapko btati hu ki is summer denim ko kaise carry kare:-

Agar is summer aap apne doston ke saath kahin ghumne ka plan kar rahe hai to denim ki shirt or pant dono carry kare. Yeh ek aisa look hai jo aap outing ke sath sath office main bhi carry kar sakti hai. Bas aapko office ke hisab se jutte or earings badalne ki zarurt hogi.


Myntra CPS

Agar aap kabhi skirt pehnati hai to top ko same colour ke sath match kijiye or uske upar crop denim jacket carry kijiye. Agar aap chahe to shardha kapoor ki tarah black hi colour ke top or skirt ke sath upar denim ki jacket carry kar sakti hai. Yeh outfit outing or party ke liye perfect hai.

Agar aap kisi party ya dost ki shadi main ja rahe hai to or wadrobe kholkar ghanto tak khade hokar soch rahe hai ki is garmi ke mausam main kya pehne, jo na to heavy ho or sath hi comfort bhi feel karwaye to denim ki saree try kijiye. Denim ki saree in dino market main kaafi pasand ki ja rahi hai. Delhi , or mumbai jaisi cities main to saree ke kafi sare options available hai. Saree ke alawa aap dress, footwear or yaha tak ki denim ki watch bhi carry kar sakte hai. Denim ek aisa option hai jissey kaise bhi carry kiya ja sakta hai or yeh kabhi out of fashion nahi hota.

Facebook Comments

Recommended For You

About the Author: Riya Sharma

Leave a Reply

Your email address will not be published.

%d bloggers like this: