Is Price Tag Ke Saath India Mein Launch Hua Honor View 20, India Ka First In-Display Front Camera Waala Phone

Amazon par kaafi pehle se tease kiya jaa chuka Honor View 20 aaj India mein launch ho chuka hai. Is smartphone ko last month China mein Honor V20 ke naam se announce kiya gaya tha aur aaj India is Amazon exclusive device ne India mein entry li hai.

Honor View 20 ke two storage options hain jinmein 6GB RAM ke saath 128GB ROM aur 8GB RAM ke saath 256GB internal storage model included hain. Amazon par ye dono hi variants aaj raat 12 baje se kharide jaa sakte hain. 6GB+128GB model ka price 37,999 INR hai, jabki 8GB+256GB model ko aap 45,999 INR ke price tag ke saath kharid sakte hain.

Aaiye aapko phir se ek baar is smartphone ke specs yaad dilaate hain. Honor View 20 mein 6.4 inch ki full HD+ LCD IPS display di gayi hai aur ye handset Huawei Kirin 980 chipset par chalta hai, jo ki ek powerful processor hai. Iske alawa storage options aap upar jaan hi chuke hain.

Aaiye ab baat karte hain, iske cameras ki, jo ki is handset ki highlight bhi hai. Honor View 20 mein 25 MP ka selfie camera f/2.0 aperture ke saath moujood hai, jo ki display ke top left corner mein fit kiya gaya hai. Wahin iske rear cameras mein 48 MP ka primary camera f/1.8 aperture ke saath diya hai, jabki secondary one, Time-Of-Flight 3D camera hai.

Is smartphone mein Android 9.0 Pie OS par Magic UI 2.0 skin aapko milti hai aur iski battery capacity 4000mAh hai, jo ki fast charging ke saath aayegi. Ye ek dual SIM based smartphone hai aur dual 4G VoLTE connectivity bhi aapko yahaan par di gayi hai.

Saath hi Honor ka ye mid-range smartphone February se Reliance Digital ke through offline market mein bhi available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: