Is Price Tag Ke Saath India Mein Launch Hua Honor 10 Lite

Honor ka affordable smartphone Honor 10 Lite, aaj India mein launch ho chuka hai. Company ka ye latest lower mid-range smartphone Black, White, Gradient Red aur Gradient Blue colors mein saamne aaya hai. Ye ek Flipkart exclusive device hai, jise 20th January raat 12 baje se kharida jaa sakta hai.

Aaiye ab aapko is naye handset ke specs bataate hain.

Honor 10 Lite mein 6.21 inch ki 19.5:9 display di gayi hai aur ye Octa Core Kirin 710 12nm chipset par chalta hai. Saath hi ismein ARM Mali-G51 MP4 GPU bhi moujood hai. Is smartphone ke two storage options honge – 4GB+64GB aur 6GB RAM ke saath 64GB internal memory.

Ek cheez shayad aap mein kayi logon pasand naa aye, wo ye hai ki Honor 10 Lite mein hybrid dual SIM di gayi hai, yaani ki second slot mein ya to microSD card lag sakta hai ya phir second SIM. Is smartphone mein aapko 13 MP ka primary shooter f/1.8 aperture aur LED flash light ke saath diya gaya hai, jabki secondary 2 MP camera yahaan depth focus ke liye hai.

Selfie lovers ke liye, ye ek achha phone hai, jahaan aapko 24 MP ka front camera diya hai. Iske alawa rear mounted fingerprint scanner, dual 4G VoLTE, Wi-Fi 802.11 ac, Bluetooth 4.2 LE, GPS + GLONASS aur 3400mAh ki battery, is smartphone ke other features hain. Software ki baat karein to, ismein aapko Android 9.0 Pie OS par based EMUI 9.0 milta hai.

Honor 10 Lite ko Honor India website se bhi kharida jaa sakta hai. Iske alawa is smartphone ke saath Reliance Jio customers ko vouchers ki form mein 2200 INR ka cashback aur 2800 INR ke Cleartrip ke vouchers bhi milenge. Iske 4GB RAM version ka price 13,999 INR hai, jabki 6GB RAM ke saath aane waale Honor 10 Lite ko aap 17,999 INR mein kharid sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: