Is Date Ko Launch Hoga Redmi 9A, Saath Mein Kuch Aur Bhi Aayega Saamne

Kayi teasers Twitter par share karne ke baad finally Xiaomi ki brand Redmi ne ye announce kar diya hai ki jaldi hi India mein ek new budget smartphone launch hone waala hai. Saath hi ye bhi confirm hai ki ye handset Amazon exclusive hoga.

Is handset ko Amazon par ‘Desh ka Dumdaar Smartphone’ kehkar promote kiya jaa raha hai. Well, jis tarah ka teaser company ne showcase kiya hai, isse to ek hi naam ka hint milta hai aur wo hai Redmi 8A ka successor Redmi 9A.

Company ne ye to confirm kar diya hai ki ye ek smartphone hai aur saath hi doosre teaser mein ye bhi dikh raha hai ki ismein 5000mAh ki battery bhi hogi. Teaser mein likha hai, ‘Dumdaar Camera, Dumdaar Battery, Dumdaar Design’. Pehle teaser mein company dual rear cameras bhi confirm kar chuki hai aur Redmi 8A mein Type-C port diya gaya tha, to use bhi hum yahaan expect kar sakte hain.

Isi ke saath company ka ye kehna ki wo ek new category bhi saath mein karenge aur Twitter par pehle aaye other teasers ke according company is phone ke saath power bank bhi launch kar sakti hai. Iske alawa Xiaomi India Head Manu Kumar Jain ne bhi ye confirm kiya hai ki 1 nahin balki 11th Feb ko aap 2 surprises ke liye taiyaar rahein.

Is handset seedhe taur par aaj launch huye Realme C3 ko takkar dega. Realme ke is phone mein MediaTek ka Helio G70 hai aur upcoming Redmi 9A mein bhi Helio G70 ya latest G80 processor expect kiya jaa raha hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: