IPL 2019 Ke Mauke Par Ye DTH Service Providers Offer Kar Rahe Hain Free Sports Channel

IPL 2019 ke start hote hi, DTH service providers ne apne consumers ko bina kisi additional cost ke sports channel par IPL 2019 enjoy karne ka offer diya hai. AirTel aur Tata Sky jaise leading service providers free mein apne naye aur existing customers ko unke standard channel packs ke saath Star Sports channel de rahe hain, taaki consumers IPL 2019 ka anand utha sakein.

Iske alawa Tata Sky ne to is mauke par Rs. 646 ki kimat par ek naya Family Sports HD pack saamne rakha hai, jismein various sports channels ke saath saath lagbhag sabhi entertainment channels ko include karke 96 channels moujood rahenge. Is DTH service provider ka ye pack SD version ke saath Rs. 456 mein bhi available hai.

 

Airtel, Dish Tv aur Tata Sky, teenon ne hi Star Sports 2 channel par naye language feeds bhi add kiye hain. Tata Sky apne consumers ko notifications bhej kar bhi unhein update kar rahe hain ki May 19 tak unhein Star Sports 1 Hindi, Star Sports 1 Tamil, Star Sports 1 Telugu, Star Sports 1 Kannada, aur Star Sports 1 Bangla channels ka free access diya jayega.

Tata Sky ki tarah Airtel TV ke customers ko bhi sabhi sports channel ka free access is IPL 2019 ke dauraan diya jayega. Wahin D2h mein Star Sports 2 ko Hindi, English, Tamil, Kannada, aur Bangla languages mein access kar sakenge, lekin yahaan free mein koi sports channel add nahin kiya gaya hai.

Agar aapke ghar mein bhi inmein se koi DTH service use ki jaa rahi hai ya aap inmein se kisi ke bhi subscriber hain, to aap bhi free mein sports channel ko access karte huye, IPL 2019 ko celebrate kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: