iPhone XS Aur XS Max Ke India Price Announce Huye: Ab Tak Ke Sabse Costly iPhones

Apple ne aaj ‘Gather Around’ launch event mein iPhones ki announcement kar di hai. Jaisa ki expect kiya jaa raha tha, company ne three iPhones launch kiye hain, jinmein iPhone XS, iPhone XS Max aur iPhone XR shaamil hai.

Well, exciting news ye hai ki, in teenon iPhones ke Indian price ki bhi announcement ho chuki hai.

iPhone XS Max, XS aur XR ko India mein 28th September ko launch kiya jayega.

Rumors aaye the ki company two flagship smartphones ke saath ek affordable handset bhi launch karegi aur hua bhi waisa hi. iPhone XS aur XS Max ke alawa ek cheaper smartphone iPhone XR bhi launch kiya gaya hai jo ki India mein 19th October se available hoga. Lekin kya waakyi mein ye ek sasta smartphone hai ? Well, iska answer hai bilkul nahin.

iPhone XR ki India mein kimat hogi 76,900 INR. Sahi maayne mein 2018 ke iPhone ab tak ke sabse costly iPhones hain.

Aaiye aapko bataate hain, iPhone XS aur XS Max ke India price.

India mein bhi in dono smartphones ke 64GB, 256GB aur 512GB storage options available honge.

iPhone XS ki shuruaati kimat hai, 99,900 INR aur iPhone XS Max ka starting price hai 1,09,900 INR.

India mein 2018 iPhone ke ye sabhi models Apple ke Authorised Resellers dwara 21st September se available honge.

Saath hi Apple ke leather aur silicon cases ki kimat bhi 3,500 INR se start hogi.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: