iPhone 7 Ki Manufacturing India Mein Huyi Shuru, Lekin Keemat Mein Nahi Milegi Rahaat

Abhi tak Apple apne iphone 6S aur SE ko India ke Banglore plant mein assemble kar raha tha lekin ab company iphone 7 ko bhi India mein manufacture karna shuru karegi. Company ne iss manufacturing ke liye Taiwan based company Wistron ke saath haath milaya hai jo India ke andar production ko dekhegi. Yeh production”Made In India” campaign ke through kiya jaa raha hai.

Indian customers ko iss production se koi fayda hota nazar nahi aa raha hai kyun ki company ne kaha hai ki wah iphone 7 ka production India mein karne ke bawjood bhi iski price ko kam nahi karegi. Iss margin ka use wah advertisement aur sale mein karegi. Iss phone ke production ke saath company long term ke liye stable rahegi. Saath hi Made In India campaign ke through ise banane ki wajah se company ko iss phone ki manufacturing price mein duty fee bhi kam deni hogi.

 

India mein iss production ko bhadane ke liye Wistron ko Rs 5 Crore ka investment amount diya gaya hai. Iss investment amount ke saath  company Apple ke high end devices ko bhi India mein produce karegi.

 

Latest launch ki gayi Apple devices ko India mein jayada pasand nahi kiya gaya hai jis se company ka share smartphone industry mein kam ho gaya hai. Report ki according Apple ke iphone devices ki sale 2017 ke compare mein 2018 mein  20% kam thi. Iska main reason high prices thi. Counterpoints ke head Neel Shah ne bataya ki Apple ne India mein 2018 ke 4th quarter mein 4 Lakhs units supply ki thi wahin comparatively OnePlus ne 5 Lakhs units ko India mein supply kiya tha. Inn sab se upar 2017 mein Apple ne  32 Lakhs iphone units ko India mein supply kiya tha.

 

Beete kuch samay mein India smartphone industry ka ek acha hub ban gaya hai. Jis se sabhi smartphone compnay India mein jyada se jyada smartphone sale karne mein interested hain. Lekin Apple ki latest devices ke price kaafi jayda hone ki wajah company apne market share ko kam hota dekh rahi hai. Telecom Research Firm Tech arc ne report mein bataya ki 2019 mein India mein 30 Crore phones ko becha jaa sakta hai jismein 14.9 Crore smartphone, 9.8 Crore feature phone aur 5.5 Crore smart feature phone shamil honge.

 

Wall Street Journal ne apni reports mein bataya ki India ke andar customers tak Apple devices ko pahuchne ke liye kam se kam 5 mediator se ho ke gujarna padta hai. Jahaan har kisi ka apna ek margin fix hota hai. Saath hi humare country ki tax policy bhi iphone ke costly banane ka ek main reason hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: