Intex Ki 4K UHD Smart TV Range, Pre-loaded Apps Jio Cinema Aur YouTube Ke Saath Launch Hui

Indian electronics manufacturer company Intex ne smartphone ke baad ab apna latest smart LED TV launch kiya hai. Yahaan khaas baat ye hai ki yeh smart tv aapko Jio Cinema App ke sath pre-install milta hai. Iss smart Tv ko Relience Jio ke sath partnership mein launch kiya gaya hai.

Iss partnership se expect kiya jaa raha hai ki company jaldi Jio Cinema platform ko bhi market mein launch karegi. Jio Cinema App ke sath sath aapko aur bhi kuch pre-install app iss smart tv mein diye gaye hain, jaise Youtube, Media Centre, Clean Master, Facebook.

Intex smart TV mein aapko 3 model diye gaye hain, LED-SU4303, LED-SU5003, SU-5504, jo ki respectively 43 inch, 50 inch, 55 inch ko represent karte hain. Inn smart TV mein aapko smartphone se direct screen share karne ke liye Miracast ka support milta hai jis se Wi-Fi ki help se aap aapne phone ki screen ko smart TV ki screen par share kar sakte hain.

Yeh smart TV Android 6.0 Marshmallow ke support ke sath aata hai. Iss smart TV mein aapko 1.2GHZ Dual Core ARM Cortex  processor diya gaya hai jo ki 1.5GB RAM ke sath aata hai wahi graphic quality ko enhance karne ke liye ismein MaliT450MP2 GPU bhi diya gaya hai. Sath hi TV mein 8GB ki internal storage milti hai.

Intex ke yeh smart TV 4K resolution ko support karte hain sath hi inmein aapko UHD display dekhne ko milti hai. Inn mart Tv mein 16:9 ka screen aspect ratio diya gaya hai sath hi yeh TV 178 degree ka viewing angle provide karte hain. Connectivity ke liye Intex smart TV mein aapko 3 HDMI port, 2 USB port, 1VGA, 1AV port ka option milta hai.

10W ke 2 built-in stereo speakers diye gaye hain. Sath hi Digital Noise Reduction, smart power saving jese features bhi aapko iss smart tv mein dekhne ko milenge. Yeh LED smart TV Eye Safe T-Matrix technology ke sath aati hai jo ki kisi bhi tarah ke video ko leg hone se bachati hai.

Price

  • LED-SU4303       –           Rs 52,990
  • LED-SU5003       –           Rs 75,000
  • LED-SU5503       –          Rs 1,00,000

Availability ki baat kare to yeh TV offline market ko dhayan mein rakh kar launch kiye gaye hain lekin market mein yeh sale ke liye kab available honge iski koi update nahi di gayi hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: