Inn Attractive Launch Offers Ke Saath, 24 December Se Sale Ke Liye Available Hoga Oppo R17

Chinese smartphone maker company Oppo ne haal hi mein apne do flagship smartphone market mein launch kiye the, jisne apni behatreen specification aur features ke dwara kaafi popularity gain kar li hai. Ji ha hum baat kar rahe hain Oppo R17  aur Oppo R17 Pro smartphones ki. Phone ki khaasiyat ki baat ki jaaye to yeh phones super VOOC charging ke saath aate hai jo 40 min mein aapke phone ko full charge kar sakte hain. finally Oppo R17 smartphone India mein sale ke liye available hone wale hai.

 

24 December se shuru hone wali sale mein Oppo R17 phone Amazon ki e-commerce website par sale ke liye available hoga. Sale ke dauraan yeh phone kaafi bhadiya offers ke saath market mein utaara jaa raha hai. Oppo R17 ki launching price Rs 34,999 rakhi gayi thi. Oppo R17 ko single storage variant mein launch kiya gaya hai, Jahan iss phone mein aapko 8GB RAM aur 128GB internal storage milti hai. Offers ki baat karein to Amazon ki website se iss phone ko khareedne par aapko Rs 4,900 tak ke benefits aur Jio customers ko 3.2GB extra milega. Iske alawa iss phone par aapko Rs 5,000 tak ka exchange discount bhi mil sakta hai. Issi ke saath Oppo R17 par aapko no cost EMI ka option bhi milta hai. Inn sabhi offers ke alawa iss phone par one time screen replacement ka offer bhi aapko diya jaa raha hai.

Phone ki basic specifications ki baat ki jaaye to Oppo R17 mein aapko 6.4 inch ki super AMOLED display di gayi hai. Jismein screen to body ratio 91.5% diya gaya hai. Phone mein 25MP ka AI based selfie camera milta hai. Saath hi rear panel par dual rear camera setup dekhne ko milta hai jahan 16MP ka primary aur 5MP ka secondary camera diya gaya hai.

Iske alawa phone mein aapko 3500mAh ki battery di gayi hai jo ki super VOOC fast charging ko support karti hai. Phone mein aapko USB type -c port ka option milta hai saath hi 3.5mm headphone jack ka option bhi milta hai jo ki aaj kal kaafi flagship smartphones mein se gayab hota jaa raha hai. Phone mein Qualcomm  Snapdragon 670 processor diya hai. Yeh phone Android 8.1 Oreo based ColorOs 5.2 ke saath aata hai.

Oppo R17 behatreen gradient color option mein launch kiya gaya hai jahan aapko Ambient Blue aur Neon Purple color ke option iss phone mein dekhne ko milenge. Phone mein in-display finger print ka option bhi aapko milta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: