Technology

Infocus Vision 3 Kewal 6,999 INR Mein India Mein Hua Launch: Specifications And First Impression

925
0

U.S. based company Infocus ne aaj India mein apna latest budget smartphone launch kar diya hai jiska naam hai Vision 3. Vision 3 ko ek press event mein New Delhi mein launch kiya gaya hai aur ye smartphone sale ke liye kewal Amazon par 6,999 INR ki kimat par available hoga, or aaj raat 12 baje milna shuru ho jaega.

Infocus ne 2012 se lekar ab tak budget segment mein achhe smartphones pesh kiye hain. Vision 3 bhi budget range mein ek achha handset prove ho sakta hai.

Agar box content ki baat karein to, is smartphone ke saath box mein aapko quick start guide, SIM ejector PIN, micro USB to USB-A type ki ek cable aur 1.5 ampere ka ek charger diya jaata hai.

Specifications par nazar daalein to, Vision 3 mein 5.7 inch ki HD+ full view display hai jiski brightness aur viewing angles bhi behad achhe hain. Sath hi sunlight mein bhi iski display achha kaam kar rahi hai, kewal aadhi brightness mein bhi aap smartphone ko aasaani se use kar payenge.

Vision 3 mein 1.3 GHz quad core MediaTek MT6737 processor diya gaya hai aur iske saath 2GB ki RAM jismein se 1GB available hai, moujood hogi. Ismein 16GB ki internal memory di gayi hai jismein se available kewal 9.2GB hi hai, lekin memory ko expand karne ke liye microSD card slot bhi diya gaya hai.

Camera department mein bhi Infocus ne achha kaam kiya hai, 7K ki price range mein apko yahaan 13 + 5 MP ka dual rear camera setup milta hai, jismein 13 MP primary hai aur 5 MP ka depth camera hai, saath hi LED flash light bhi moujood hogi. Selfies ke liye ismein 8 MP ka camera LED light ke saath moujood hai. Ismein 4000mAh ki battery hai jo heavy usage ke baawajood bhi poora din aaram se chalegi.

Camera modes mein beautification mode hai jo achha kaam karta hai aur image ko natural bhi banaaye rakhta hai, circle mode mein aap circle frame mein selfie le sakte hain, PIP mode ke saath front aur rear dono cameras ko ek saath use kiya jaa sakta hai aur multiple mode mein aap 4 selfies ek saath le sakte hain.

Vision 3 mein specifications hi nahin, balki design bhi behtar hai. Matte finish ke saath aane waale is handset mein round edges hain aur dikhne mein ye behad premium look deta hai aur iski sabse khaas baat hai, badi battery ke saath bhi iska lightweight hona. Full view display ke alawa front mein upper bezel par camera, in-call speaker aur LED flash di gayi hai.

Left edge par volume rocker hai, right edge par hybrid dual SIM slot tray aur power button hai. Wahin bottom edge par micro USB port aur primary mic hai aur top edge par 3.5mm audio jack present hai.

Vision 3 mein rear panel par jo ki behtareen plastic ka bana hai, dual cameras, LED flash light aur fingerprint scanner diye gaye hain. Rear panel par hi niche ki taraf right corner par speaker grill moujood hai.

7,000 INR ki range mein ye smartphones ko ek achhi takkar dega aur is price segment mein har tarah se ek powerful phone hai

Facebook Comments
Tagged:
Lenovo-Z5-1-1024x531
Technology
Tech News Of The Day – 5th June 2018
Q7F_B
Technology
Samsung Ne India Mein Launch Kiya Naya TV Line-Up, QLED TVs, UHD Aur Concert Series Shaamil
Lenovo-Z5-1-1024x531
Technology
Lenovo Z5, 6.2- inch 19:9 Display Aur 6GB RAM Ke Saath 1299 Yuan Ki Kimat Par Announce Hua
Pooja Choudhary

Leave a Reply

Your email address will not be published.

%d bloggers like this: