Infinix S4, Triple Rear & 32MP Selfie Cameras Ke Saath 8,999 INR Mein Hua Launch: Jaaniye Complete Specifications

Infinix ne aaj triple rear cameras ke saath, apna latest entry-level smartphone launch kiya hai, jiska naam Infinix S4 hai. Ye ek Flipkart exclusive handset hai, jise Twilight Purple, Nebula Blue aur Space Grey color options mein 28th May se purchase kiya jaa sakta hai. Company ne is smartphone ka ek hi storage variant launch kiya hai, jiski kimat 8,999 INR hai.

Ab badhte hain, detailed specifications ki taraf, to Infinix S4 mein 13MP ka primary rear camera, Quad LED flash light aur f/1.8 aperture ke saath diya gaya hai, 8 MP ka secondary camera yahaan 120 degree wide angle lens aur 6P lens ke saath milta hai aur third 2MP ka shooter depth focusing ke liye hai.

Is smartphone mein aapko 32MP ka selfie shooter diya gaya hai, jo ki Samsung S5KGD1 sensor aur f/2.0 aperture ke saath aayega. Iske alawa ismein 6.21 inch ki HD+ display, 19.5:9 aspect ratio ke saath di gayi hai. Wahin Infinix S4 mein 12nm Octa Core MediaTek Helio P22 chipset moujood hai, jiski clock speed 2.0 GHz hai.

Ye ek dual SIM smartphone hai aur dedicated microSD card slot bhi yahaan moujood hai, jo ki 256GB tak ke memory cards accept karta hai. Ismein aapko 3GB ki RAM aur 32GB ki internal memory milti hai. Saath hi yahaan rear mounted fingerprint scanner bhi diya gaya hai.

Infinix S4 mein 4000mAh ki battery hai, dual 4G VoLTE support hai aur ye Android 9.0 Pie OS ke saath aata hai, jis par XOS 5.0 UI di gayi hai.

 

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: