Infinix Note 5, Android One Smartphone, India Mein 9,999 INR Ki Starting Price Par Launch Hua

Nokia aur Xiaomi jaise brands ke baad Infinix ne bhi aaj India mein apna first Android One smartphone launch kar diya hai, jiska naam Note 5 hai. Infinix Note 5, Note 4 ka successor hai, jise company ne last year launch kiya tha. Is smartphone ke 3GB RAM + 32GB ROM version ka price 9,999 INR hai aur is price mein aapko ye smartphone kaafi achhe features provide kar raha hai, jo aap aage article mein padhenege.

Saath hi Infinix Note 5 ka 4GB RAM + 64GB internal storage version bhi launch kiya gaya hai, jise 11,999 INR mein purchase kiya jaa sakta hai. Ye smartphone Flipkart exclusive hai aur 31st August se sale ke liye available hoga.

Is smartphone mein aapko glass back milta hai, jo kaafi attractive hai aur is par horizontally designed camera hai aur center mein fingerprint scanner fit kiya gaya hai.

Specs ki baat karein to, Infinix Note 5 mein 5.99-inch ki FHD+ display hai aur power dene ke liye Octa Core MediaTek Helio P23 processor hai jiski clock speed 2.5 GHz hai. Ismein aapko dual nano SIM slots diye gaye hain aur dedicated microSD card slot bhi moujood hai.

Infinix Note 5 mein 12 MP ka rear camera hai jo f/2.0 aperture aur dual LED flash light jaise features ke saath aayega. Lekin selfie camera aapko 16 MP resolution ke sath milta hai jismein f/2.0 aperture, portrait mode aur AI Beautify jaise camera features hain jo 255 facial points ko detect karta hai. Iske alawa ismein aapko 4500mAh ki big battery milti hai aur iske saath fast charging support bhi hai, jo ki lagbhag 3 days ka battery backup aapko deti hai, yaani ki battery ki aapko koi tension nahin hone waali.

Aur sabse achhi baat ye hai, ki ye handset stock android par chalta hai aur aapko Android 8.1 Oreo OS ke saath mil raha hai, halaanki jaldi hi ismein Android P update bhi milega.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: