Infinix Hot 7 Pro, 6GB RAM Aur Four Cameras Ke Saath 9,999 INR Mein Launch Hua

Infinix ne India mein apne ek aur mid range smartphone Infinix Hot 7 Pro ko launch kar diya hai. Phone mein aapko dual rear camera ke saath dual front camera bhi milta hai. Saath hi iss phone mein wide notch display di gayi hai. Phone ko company ne Midnight Black aur Aqua Blue color mein launch kiya hai.

Inifinx Hot 7 Pro mein 2GHz Octa Core MediaTek Helio P22 chipset ka use kiya gaya hai jo 650MHz IMG PowerVR GE8320 GPU ke saath aata hai. Phone mein 6.19 inch ki HD+ display di gayi hai jiska screen aspect ratio 18.75:9 diya gaya hai. Yeh phone single storage variant mein announce kiya gaya hai. Inifinix Hot 7 Pro mein XOS 5.0 based Android 9.0 Pie operating system milta hai.

Front aur rear dono hi panel par aapko 13MP ka primary camera aur 2MP ka secondary camera diya gaya hai. Camera mein AI portrait mode, AI beauty mode, auto scene detection mode, AI HDR, night, sports, blue sky jaise features milte hain. Phone ke rear panel finger print scanner ka option diya gaya hai.

Also Read : Amazon Par Shuru Ho Chuki Hai Fab Phone Fest Sale  

Iss phone mein dual sim option aapko milta hai, jo dual 4G VoLTE support ke saath aata hai. Dual Band Wi-Fi, Bluetooth 5.0, GPS+GLONASS jaise connectivity option aapko iss phone mein mil jaate hain. Phone mein 4000mAh ki battery di gayi hai. Audio enhancement ke liye ismein Dirac Stereo Widening technology ka use kiya gaya hai.

Infinix Hot 7 Pro ko aap Rs 9,999 ki price par purchase kar sakte hain, jismein 6GB RAM aur 64GB internal storage aapko milti hai. Yeh phone 17th June se Flipkart par sale ke liye available hoga. Launch offer ke duaraan aap iss phone ko Rs 8,999 mnein purchase kar sakte hain, yeh offer 21st June tak available rahega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: