Infinix Hot 6 Pro : Unboxing And Detailed Review

Budget smartphones ke customer India mein sabse jyada hai aur isiliye ek budget smartphone launch hote hi consumers ye zaroor jaanna chahte hain ki aakhir iska performance kaisa hai. Haal hi mein launch hua Infinix ka Hot 6 Pro India mein ek achha budget smartphone hai jo apni range ke phones ko achhi takkar de raha hai.

Zaahir hai ki aap kharidne se pehli smartphone ke baare mein jaanna chahte hain, to aaiye daalte hain ek nazar Hot 6 Pro ki unboxing aur Quick Review par.

This is what you will get in box

Infinix Hot 6 Pro ke box mein sabse pehle aapko smartphone milta hai aur saath hi back cover, micro USB to USB cable, 5V / 1.2 A ka charger, screen guard, SIM ejector PIN aur ek quick start guide.

Design and Build Quality

Is smartphone mein aage ki taraf 18:9 ratio ke saath 5.99 inch ki display hai aur upar ki taraf front camera aur flash moujood hain. Left edge par aapko dual nano SIM + microSD card tray di gayi hai, jabki right edge par power button aur volume rocker moujood hain. Iske rear panel par upper left corner mein dual cameras ko horizontally fit kiya gaya hai aur saath hi LED flash light bhi hai, center mein fingerprint sensor hai aur uske theek neeche Infinix ki branding hai.

Hot 6 Pro mein bottom edge par aapko speaker, 3.5mm audio jack, micro USB port aur microphone diye gaye hain. Ek heavy battery ke bawajood, 158 grams ke saath ye ek lightweight handset hai au rise aap three colors mein purchase kar sakte hain jismein Bordeaux Red, Sandstone Black aur Magic Gold shaamil hain.

Hot 6 Pro mein aapko kewal 7,999 INR mein face unlock aur fingerprint scanner dono hi diye gaye hain aur dono hi kaafi achha aur fast response dete hain. Halaanki iske face unlock ke liye achhi lighting ka hona zaroori hai.

Display

Is handset mein aapko 5.99-inch ki HD+ 18:9 display milti hai jo 500 nits brightness ke saath aati hai aur sunlight mein bhi iski visibility achhi hai. Display mein colors aur brightness dono hi aapko sahi milte hain. Saath hi kisi bhi video ko play karne par bhi uski quality kaafi achhi hai. Is smartphone mein aap full HD resolution ki videos bhi enjoy kar sakte hain.  Overall dekha jaaye to Hot 6 Pro ki display iski price range ko dekhte huye kaafi better hai.

Hardware and Software

Is handset mein Snapdrgaon 425 processor diya gaya hai jo ki jyadatar lower budget handsets mein milta hai aur ye bhi is price range mein kaafi better hai. Halaanki same price mein Xiaomi ka Redmi 5 aapko Snapdragon 450 SoC ke saath milta hai. Overall iska performance above average hai. Aap bina kisi hassle ke videos aur light games ko enjoy kar sakte hain. Lekin kabhi kabhi apps ke beech mein switch karna thoda time leta hai aur Asphalt 8 jaise heavy games is smartphone mein aapko achha experience nahin denge.

Hot 6 Pro mein 3GB ki RAM hai jismein se aapko 1.5GB available milti hai aur 32GB ki internal memory hai jismein se 23GB aapko free milegi. Is smartphone mein kuch pre-loaded apps bhi hain, jinhein aap chahein to uninstall bhi kar sakte hain, jisse thodi memory badh sakti hai.

Software ki baat karein to ismein XOS 3.2 custom UI hai jo Android 8.1 Oreo par based hai. Halaanki interface smooth hai lekin ye stock Android se aapko kaafi alag lagega. Saath hi one handed mode, screen recording aur Game DnD mode jaise kuch achhe features bhi ismein aapko milte hain.

Camera

Ismein 13 MP ka primary rear camera aur 2 MP ka secondary rear shooter hai jo yahaan par depth focus ke liye diya gaya hai. Good amount of light ke saath aapko iska rear camera kaafi achhi tasveerein deta hai aur yadi aap HDR mode ke saath pictures click karte hain to colors aapko aur bhi jyada sharp aur sundar dikhte hain. Iska portrait mode bhi aapko achhi pictures offer karta hai. Halaanki low-light mein iska performance average hai.

Rear camera samples-

 

Ismein 5 MP ka front camera hai jisse aapko kuch is tarah ki tasveerein milti hain.

Front camera samples –

Battery

Hot 6 Pro mein 4000mAh ki battery hai jo aapko aasaani se full day ka backup deti hai. Kyunki ismein fast charging nahin hai, to ye full charge hone mein lagbhag 3 ghante se thoda jyada time leti hai.

Price and Availablity

Infinix Ka Hot 6 Pro kewal Flipkart par bhi three color options ke saath 7,999 INR ke price par available hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: