Infinix Hot 6 Pro, 5.99-inch Full View Display Aur 4000mAh Battery Ke Saath Launch Hua

Infinix ne aaj Hot series mein apna next smartphone, jiska naam Hot 6 Pro hai, India mein launch kiya hai. Ye ek budget smartphone hai jo Bordeaux Red, Sandstone Black aur Magic Gold color options mein kewal Flipkart par available hoga. Infinix Hot 6 Pro ki kimat 7,999 INR hai.

Ab agar Hot 6 Pro ke specs ki baat karein to, is smartphone mein 5.99-inch ki HD+ display hai jo 2.5D curved glass aur 18:9 ratio ke saath aayegi. Saath hi ismein Quad Core Qualcomm Snapdragon 425 processor diya gaya hai jiski clock speed 1.4 GHz hai. Is smartphone mein aapko 3GB ki RAM aur 32GB ki internal memory milti hai aur saath hi Adreno 308 GPU bhi moujood hai.

Hot 6 Pro mein dual nano SIM support ke saath ek separate microSD card slot bhi hai jo 128GB tak ke cards accept karta hai. Is smartphone mein 8,000 INR ki range mein bhi aapko dual rear camera setup diya gaya hai. Ismein 13 MP ka primary rear camera dual LED flash light aur f/2.0 aperture ke saath fit kiya gaya hai aur saath hi 2 MP ka secondary camera bhi hai. Halaanki iska front camera 5 MP ka hai jo soft LED flash light aur f/2.0 aperture jaise features ke saath aata hai.

Is smartphone mein XOS 3.2 diya hai jo ki Android 8.0 Oreo par based hai, par ise Android P par upgrade kiya jayega ya nahin, ye kehna mushkil hai. Iske alawa ismein rear panel par fingerprint scanner bhi diya gaya hai jo ki center mein moujood hai aur 4000mAh ki badi battery bhi hai lekin yahaan aapko fast charging support nahin milta hai.

Hot 6 Pro ke connectivity features mein EDGE / GPRS, 3G / HSPA+, 4G VoLTE, Wi-Fi 802.11 b/g/n, Bluetooth 4.2, GPS, Micro USB port aur 3.5mm audio jack shaamil hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: