Indian Users Mein Tiktok Ke Craze Ne Ki Saari Hadein Paar, 2019 Mein TikTok Par Spent Kiya Itna Time

Indians ke beech Tiktok ka kitna craze hai, ye humein aapko bataane ki zaroorat nahin hai.  Khaas taur se teenagers ke beech is app ka obsession had se jyada nazar aata hai. Saath hi is app ne bahut se logon ko apne talent dikhaane ka bhi mauka diya, jinse wo popular stars ban gaye.

Halaanki is app par job hi videos nazar aaye, unmein se kaafi bahut jyada entertaining bhi hain aur kaafi par vivaad bhi hota rehta hai. Parents ke according ye lip-syncing app teenagers ko spoil kar rahi hai. India hi nahin bahaar bhi is app ka nasha logon ke sar chadhkar bolta hai.

Tiktok ek video sharing app hai, jo ki Chinese company Bytedance ki hai aur ise India mein 2017 mein launch kiya gaya tha.

Well, is app ka craze itna jyada badh chuka hai ki India mein ise nashe ki tarah use kiya jaa raha hai. Haal hi mein ek data analytics company App Annie ne ye confirm kiya hai ki 2019 mein Indian users ne Tiktok par 5.5 billion hours se bhi jyada ka samay bitaaya hai. Ye number 2018 ke mukable aur increase hua hai.

Latest reports ke according December 2019 mein Tiktok par monthly active users 90 percent tak badhe hain. Saath hi ye app sabse jyada download ki jaane waali apps ki list mein bhi second position par hai. Is list mein top position WhatsApp ki hai.

Halaanki India mein Tiktok app ne kaafi kuch jhela hai. Madras High Court ke through ise ban bhi kiya gaya. Iske baad company ne app par se us content ko remove kiya jo ki sahi nahin tha aur phir se India mein iska raasta khul gaya. In sabke baad hi ye app India mein itni jyada successful hai.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

hi हिन्दी
X
%d bloggers like this: