Indian Market Mein 5th December Ko Phir Se Enter Hogi Meizu: Ye Three Smartphones Ho Sakte Hain Launch

Meizu India mein phir se ek baar wapasi ke liye taiyaar hai aur December mein India mein launch hone waale smartphones mein iska bhi ek naam hai. Kal 5th of December, 2018 ko company nayi M16 series launch kar sakti hai. Reports ke according, Meizu is baar three smartphones launch kar sakti hai, jinmein flagship handset se budget handset tak, smartphones shaamil honge. In smartphones ke naam hain – Meizu M16, Meizu M6T and Meizu 16X.

Company ka ye launch 5th December ko New Delhi mein hone wala hai. Well, company jo smartphone launch kar sakti hai wo hai Meizu 16. Ye ek flagship smartphone hai, jise China mein August mein launch kiya gaya tha. Ismein 6 inch ki FHD+ display, Snapdragon 845 chipset, 12+20 MP dual rear cameras aur 20 MP ka front camera shaamil hai.

Iske alawa M16 mein 3010mAh ki battery hogi aur ye approximately 27,000 INR mein launch kiya jaa sakta hai.

Isi ke saath is Chinese maker ka M6T bhi expect kiya jaa raha hai, jismein 5.7 inch ki HD+ display, MediaTek MT6750 processor, 4GB+64GB storage, 13+2 MP rear cameras aur 8 MP ka front camera shaamil hai. Iske alawa ismein 3200mAh ki battery aur Android 7.0 Nougat software shaamil hai.

Iske alawa Gadgets360 ki report ke according, M16X bhi launch kiya jaa sakta hai. Ismein company ne naya mid-range chipset Snapdragon710 diya hai. Yahaan bhi aapko 6 inch ki FHD+ display milti hai. Ismein 6GB RAM ke saath 64GB / 128GB storage options shaamil hain aur battery capacity 3100mAh hai.

Well, ye to aapko kal hi pata chalega ki Meizu inmein se kaun sa ek smartphone launch karta hai ya phir ye all three smartphones Indian market mein kal enter honge.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: