Indian Air Force Ne Launch Kiya Youth Ko Inspire Karne Wala Game : A Cut Above

Bhadte huye gaming ke iss trend mein Indian Air Force ne bhi ek mobile game ko launch kiya hai. Iska naam Indian Air Force : A Cut Above hai. Yeh PUBG ki tarah hi ek battle game hai jismein player Wing Commander Abhinandan Vardhmaan ban kar terrorist ko maar sakte hain. Iss game ko Air Chief Marshal B.S. Dhanoa ne launch kiya hai. Game ko launch karne ka reason sirf entrainment hi nahi hai. Isse humare desh ke youth ko army join karne ke inspiration bhi milta hai.

Yeh game Android aur iOS dono hi platform par available hai. A Cut Above, ek single player game hai jismein player Indian Air Force dwara kiye jaane wale Combat Mission ka virtual experience kar sakte hain.

Game mein users ko Indian Army dwara diye gaye air craft provide kiye jaate hain, jismein users ko dushman ke aircrafts, Jet aur helicopters ko destroy karna hota hai. Yeh game aapko poori tarah se ek real air craft ki feel deta hai. Ismein players ko pehle aircraft ko kis tarah fly karna hai, iski training di jaati hai.

 

Iske baad user ko flight ko uddane ka ek free chance diya jaayega, jiske baad user ke sahi perform karne par unhe green signal milega. Iske baad player aircraft ko fly kar sakenge. Game mein players ko sabhi tarah ke instruments aur war policy sikhne ka mouka bhi milega. Saath hi wah air force ke mission aur strategy ko bhi samjhne ka mouka milega. Abhi iss game ko sirf single player ke liye hi launch kiya gaya hai, lekin issi saal October mein company iska multilayer version bhi launch karegi.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: