India Mein Launch Hua Vivo S1, MediaTek Helio P65 Ke Saath Aane Wala First Smartphone

Vivo S1, jiski charcha aap bhi kaafi samay se sun rahe honge, aaj finally India mein launch ho gaya hai. Is smartphone ki highlight hai, ismein aane waala MediaTek Helio P65 chipset. Triple rear cameras ke saath aane waale is smartphone ko Skyline Blue aur Diamond Black colors mein introduce kiya gaya hai.

Aaiye aapko iske specifications ki details bhi bataate hain. Vivo S1 mein 6.38 inch ki full HD+ Super AMOLED display hai. Ismein 16MP ka primary rear camera Sony IMX499 sensor , f/1.78 aperture ke saath fitted hai, saath hi 8 MP ka secondary camera yahaan 120 degree wide angle lens ke saath diya hai aur 2MP ka depth sensor bhi aapko yahaan f/2.0 aperture ke saath milta hai.

ALSO READ: Diwali Se Pehle Two Pop-Up Cameras Ke Saath Launch Hoga Vivo V17

Vivo S1 mein Octa Core processor hai, jismein 2.0 GHz par clocked 4 Cortex A75 cores hain aur 4 Cortex A55 cores. Selfies ke liye yahaan aapko trendy 32MP ka frontal sensor mil jaata hai jo ki f/2.0 aperture ke saath hi hai.

Iske alawa is dual SIM handset mein 4500mAh ki battery, fast charging support ke saath di gayi hai. Vivo S1 mein in-display fingerprint scanner, 3.5mm audio jack, dual 4G VoLTE, WiFi 802.11 ac, Bluetooth 5.0, GPS, GLONASS aur Micro USB port options bhi hain.

Ismein Android 9.0 Pie OS based Fun Touch OS 9 aapko milta hai.

ALSO READ: Mid-Range Segment Mein Launch Hua Vivo Z5 Smartphone

Ab baat karte hain, iski pricing aur availability ki. Ismein two storage options release kiye gaye hain. Vivo S1 4GB RAM ke sath 128GB internal storage variant ka price 17,990 INR hai. Wahin 6GB RAM ke saath 64GB storage version ka price 18,990 INR hai aur 6GB RAM ke saath 128GB inbuilt storage option ki kimat 19,990 INR rakhi gayi hai. Ismein 4GB RAM variant ko aap kal se hi online aur offline retail stores se purchase kar sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: