India Mein Launch Hua Realme UI, In Phones Par Hoga Is Month Mein Available

Last month Realme ne apni custom UI ko globally announce kiya tha aur aaj company ne isi Realme UI ko India mein bhi launch kar diya hai. Saath hi company ne un handsets ke naam bhi reveal kiye jin par sabse pehle yaani ki isi month ye update aayega.

Finally ab Realme ke phones ColorOS par nahin balki naye Realme UI par chalenge jo ki Android 10 OS par based hai. Realme UI stock Android ke kaafi close hai. Company ne Realme UI ko ‘Seamless Fun’ line ke saath promote kiya hai aur saath hi ismein aisa kaafi kuch hai jo users ko interesting bhi lagega aur younger feel bhi dega.

Is naye UI mein kaafi saare visual effects hain jaise ki system colors, icons, wallpapers, animations, etc. Iske alawa ek kaafi unique aur authentic color scheme hi aapko di gayi hai.

Aap is interface mein khud se apps ke icons ko design kar sakte hain, unki transparency ko adjust bhi kar sakte hain. Iske alawa aap apps ke icons ki shape and size bhi apne according change kar sakte hain.

Iske alawa company ne Realme UI mein 11 new wallpapers ko add kiya hai, jo ki natural elements se inspired hain. Looks ke alawa performance ko dhyaan mein rakhte huye company ne ismein naya power saving feature bhi add kiya hai. Kuch aur trendy specs bhi yahaan par add kiye gaye hain.

Ismein ab aapko personal information protection, Focus Mode aur Smart Gestures jaise features bhi milenge. Isi ke saath company ne is naye UI ka poora roll out bhi share kiya hai, jise aap upar diye gaye image mein dekh sakte hain.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: