India Mein Launch Hua Coolpad Cool 3, Dewdrop Notch Display Aur Attractive Colours Mein Hai Available

Coolpad ne aaj India mein apna ek aur naya budget smartphone launch kar diya hai. Kal company ne apne iss phone ko le kar ek teaser image launch ki thi. Image mein iss phone ki launch date, front aur back panel ki image dikhai gayi thi. Jaisa ki aap sabhi ko already pata hai ki  Coolpad apne budget range smartphone ke liye jaani jaati hai, wahin yeh phone bhi budget smartphone ki category mein hi launch kiya gaya hai.

 

Coolpad Cool 3 mein aapko milti hai 5.71 inch ki HD+ dewdrop notch display, jahan screen -to-body ratio 90% diya gaya hai. Phone mein 1.3Ghz Octa-Core SOC processor diya gaya hai. Phone ko single storage variant mein launch kiya gaya hai, jahan aapko 2GB RAM aur 16GB internal storage ka option milta hai. Phone ki storage ko aap microSD card ki help se 128GB tak expand kar sakte hain.

 

Coolpad Cool 3 ko bahut hi attractive colours mein launch kiya gaya hai jahan aapko Teal Green, Ocean Indigo, Midnight Blue aur Ruby Black colour option dekhne ko milte hain. Phone mein dual rear camera setup diya gaya hai jahan primary camera 8MP ka aur secondary camera 0.3 MP ka diya gaya hai. Saath hi front facing camera 5MP ka milta hai. Phone ki khaas baat yeh hai ki aapko phone mein latest Android 9.0 Pie diya gaya hai. Iske alawa phone mein rear panel par finger print scanner ka option bhi aapko milta hai.

 

Phone ko 3000mAh ki battery ke saath pack kiya gaya hai. Connectivity ke liye aapko iss phone mein 4G VoLTE milta hai. Yeh phone dual sim support ke saath aata hai. Iske alawa Wi-Fi 802.11 b/g/n, Bluetooth 4.1, GPS + GLONASS ka support bhi milta hai. Phone ka rear panel glossy finish mein diya gaya hai.

 

Inn sabhi specification ke saath yeh Coolpad Cool 3 smartphone RS 5,000 ke price tag ke saath launch kiya gaya hai. Jahan yeh phone online aur offline dono market mein sale ke liye available hoga .

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: