India Mein Kal Hi Launch Ho Sakta Hai, ASUS Ka Zenfone 5Z

India ke leading retailer Flipkart ne ye to saaf kar hi diya hai ki ASUS ka latest flagship smartphone Zenfone 5Z Flipkart exclusive hoga. Saath hi ye baat bhi bilkul saaf hai ki India mein ASUS Zenfone 5Z ka launch bahut jaldi hi hone wala hai, shayad kal hi.

Darasal, Flipkart ne Zenfone 5Z ke launch ke teasers start kar diye hain aur saath hi neeche diye gaye teaser mein jo date aur time nazar aa raha hai wo shaayd is smartphone ke India launch ka hi ho. Is teaser mein likha hai “Flagship Redefined Coming Soon only on Flipkart. For the product reveal, Come Back on 26th June at 8.45 pm.”

Is baat se saaf zaahir hai ki company India mein apna latest flagship launch karne waali hai, jo ki Zenfone 5Z hai. Is smartphone ko company ne isi saal MWC 2018 ke dauraan showcase kiya tha.

Specs ki baat karein to, Zenfone 5Z mein 6.2-inch ki full HD+ 19:9 display hai jo Corning Gorilla Glass ke saath aayegi aur ise power dene ke liye Snapdragon 845 chipset di gayi hai. Ismein three storage versions launch kiye gaye hain jinmein 4GB RAM ke saath 64GB ROM, 6GB RAM ke saath 128GB ROM aur 8GB RAM ke saath 256GB ROM options shaamil hain.

Saath hi ye smartphone hybrid dual SIM slot ke saath aata hai aur ismein dual VoLTE support hai. Ismein 12 MP ka primary rear camera hai jo ki dual tone LED flash, Sony IMX363 sensor aur f/1.8 aperture hai. Iske alawa ismein 8 MP ka secondary rear camera bhi diya gaya hai jismein f/2.0 aperture aur 120 degree wide angle lens jaise features shaamil hain.

Zenfone 5Z ka front camera bhi 8 MP ka hai jo f/2.0 aperture aur 83 degree wide angle lens ke saath aayega. Iske alawa iski battery capacity 3300mAh ki hai jo ki ASUS Boost Master fast charging aur AI charging support ke saath aayegi. Ye Android 8.1 Oreo OS par chalega jis par ZenUI 5.0 interface bhi hai.

Well, in amazing features ke saath Zenfone 5Z India mein kab tak available hoga, ye jaanne ke liye abhi kal tak ka intezaar hum sabhi ko karna hoga.

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: