India Mein Jaldi Hi Launch Ki Jaa Sakti Hai WhatsApp Payment Service

India ke andar Paytm ek jaani-maani digital payment app hai, jiska use hum digitally payments ko transfer karne mein karte hain. Lekin ho sakta hai aane wale samay mein Paytm ko acha competitor mil jaaye. Aisa hum isliye kah rahe hain, kyun ki WhatsApp jaldi hi apni payments service ko launch karne wala hai. Iss baat ki jaankari hum sabhi ko hai ki WhatsApp ek user friendly interface ke saath aata hai, jismein text send karna, pictures send karna aur location send karne jaise kaam easily ho jaate hain.

Last year WhataApp apni iss service ko launch karne wala tha, lekin user friendly interface naa dekhte huye, ise rok diya gaya tha. Present time mein WhatsApp ke 230 Millions active user available hain, yeh sirf Indian users ka data hai. Iske chalte Paytm ke pass kaafi kam active users hain. NITI AAYOG (The National Institution for Transforming India) ke CEO ne jaankari share karte huye bataya hai ki aane wale saal mein WhatsApp ke pass 400 Millions Indian users honge jismein users ki average age 29 years hogi. Iske alawa low data consume aur 1 Billions smartphones ke saath, yeh aane wale WhatsApp ka future hone wala hai.

Also Read : WhatsApp Ke Naye Privacy Features

WhatsApp dwara launch ki jaane wali yeh payment service UPI based hogi. Iss tarah ki service se Paytm ko jhatka lag sakta hai. Last year company ne 1 Million users ke saath iss payment service ki testing ki thi lekin Government dwara fix kiye gaye kuch rules ke chalte aur user data storage ko le kar kuch problem ko face karna pada tha. Company ka kahna hai ki rules ko full-fill karne ke baad iss service ko iss saal ke end tak launch kiya jaa sakta hai. Abhi iss service ki BETA testing ICICI Bank ke saath mil kar ki jaa rahi hai. Service shuru hone ke baad ise baaki bank ke saath bhi test kiya jaayega. Service use ke duaraan user ko AADHAR Card details, PAN Number, Mobile Number, E-mail ID, Bank Account jaisi details ko submit karna padega.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: