India Mein Jaldi Hi Launch Hoga LG W-Series Budget Phone, Samsung M-series Aur Realme Phones Se Karega Compete

Xiaomi aur Realme ke budget smartphones ke competitors dheere dheere karke badh rahe hain. Jahaan is year ke starting se hi Samsung ki M-series mein affordable price par smartphones launch ho rahe hain. Wahin aaj LG ne bhi India mein apni nayi W series ki announcement kar di hai. LG ka ek W-series smartphone launch hoga, jo ki pocket-friendly hoga.

Company ne iska first teaser show kar diya hai. Ye W-series ab Samsung ki M-series ko achhi takkar dene waali hai. Saath hi company ne is upcoming phone se judi kuch information bhi out ki hai. Sabse pehli baat, ki ye teaser Amazon par aaya hai, to expected hai ki ye ek Amazon exclusive smartphone ho.

Iske alawa is smartphone mein aapko notch display milne waali hai, lekin yahaan par notch customizable hogi, yaani ki aap U- shape, V-shape notch chun sakte hain ya notch ko apne preference ke according off bhi kar sakte hain.

Saath hi iski neeche di gayi image mein aap dekh sakte hain ki ye W-series phone, triple rear cameras ke saath market mein aayega aur ismein aapko night mode, low-light mode, portrait, wide angle jaise fetures bhi milenge.

Ye handset iske colors bhi reveal ho chuke hain. LG ka ye W-series phone Black, Blue aur Green colors mein available hoga.

Iske alawa is smartphone se judi aur bhi kuch information saamne aayi hain. Smartprix ke according, LG ke W-series ke first smartphone ka naam LG W10 hoga aur ismein 2.0 GHz clock speed ke saath 12nm chipset hoga, expect kiya jaa raha hai ki ye MediaTek chipset ke saath unveil kiya jayega.

Iske alawa is publication ke according, is new phone mein base variant 3GB+32GB ka price 9,999 INR hoga. Saath hi is handset ki thickness 8.5mm hogi aur iska kaaran hai, ismein di gayi 4000mAh ki battery.

Upar di gayi image se aap samajh hi gaye honge ki, ye handset Android 9.0 Pie OS ke saath aane waala hai aur saath hi ismein aapko gradient color options milne waale hain. Halaanki abhi iski launch date saamne nahin aayi hai, lekin first teaser ke baad kaha jaa sakta hai ki company jaldi hi is W-series phone ko India mein launch karne waali hai.

 

Source

Facebook Comments

Recommended For You

About the Author: Pooja Choudhary

Leave a Reply

Your email address will not be published.

%d bloggers like this: