India Mein Triple Rear Cameras Ke Saath Jaldi Hi Launch Ho Sakta Hai Vivo Y5

Vivo jaldi hi Y series smartphone ki list mein 2 aur naye smartphones ko add kar sakta ahi. Saamne aayi reports mein yeh phone Vivo Y3 air Vivo Y5 bataye jaa rahe hain. Yeh reports 91mobiles ke through saamne aayi hai. 91mobiles ki reports ke according Vivo Y5 triple rear cameras ke saath launch kiya jaa sakta hai. Saath hi iss phone mein 5000mAh ki battery bhi dekhne ko mil sakti hai.

91mobiles ne bataya ki yeh news Vivo ke executive ke through saamne aayi hai jis se expect kiya jaa raha hai ki yeh sabhi specs sahi saabit ho sakte hain. Saath hi iss phone mein company Android 9 Pie Os de sakti hai. Inn sabhi specifications ke alawa iss phone ki price bhi Rs 15,000 ke lagbhag rakhi jaa sakti hai. Agar yeh phone iss price tag aur inn sabhi specs ke saath launch hota hai to market mein pehle se available baaki phones ke liye yeh ek acha competitor saabit ho sakta hai.

+Inn sabhi specifications ke alawa 91mobiles ne koi jyada jaankari nahi di hai. Lekin expect kiya jaa raha hai ki company iss phone mein MediaTek Helio P60 chipset ka use kar sakti hai. Saath hi agar yeh phone 5000mAh ki battery capacity ke saath launch kiya jaata hai to Vivo ki taraf se aane wala yeh abhi tak ka sabse badi battery wala handset hoga. Yeh phone  India mein 15 April ya iss date ke aas pas launch kiya jaa sakta hai.

Facebook Comments

Recommended For You

About the Author: Prachi Kulshrestha

Leave a Reply

Your email address will not be published.

%d bloggers like this: